A ti oye Jesus Kristus

0
1245

KuLoide Jason

ONGWEDIVA- Omulumentu gwedhina Vilho Paulus omvalele yokOluwaya moshikandjohogololo shaKongo okuli mOvenduka ta piyaganeke anuwa oshigwana sho eshi lombwele kutya oye Jesus Kristus gwokombanda yevi.
Ongerka ndjika yi na ethano lya Paulus a alelwa komushigakono oyi li mondingandinga yolukanda lwaKahandja Park moKatutura kaVenduka . Kristus nguka aniwa okwa tameke ta lombwele aalanduli ye, kutya Ombepo Ondjapuki oya ti na ye na yo miihulo.
Ngashingeyi Kristus nguka anuwa okwa eta etopoko moshigwana shomegongalo lye shoka sha etitha aakulukadhi mboka a lala na yo ya dhine omukulukadhi gwe ngoka a hokana ye okuli woo oshilyo sho ngerka ndjoka. Aniwa aakulukadhi mboka yali ya tonda omukulukadhi nguka ngashingeyi oya gandja ombili komukulukadhi gwa Kristus ndele taya thigi po ongeleka ndjika sho ya mono kutya ndjika ka yi na uushili ko ka kuna Kristus gwokombanda yevi.
Aniwa uunona mboka wa valwa naakulukadhi yomegongalo owu li uheyali okutameka momumvo 2011 sigo onuumvo. Kristus nguka a li ta matauka noohapu sho a aadhika kaapoplisi okwa ti uunona mboka ena ngashingeyi wu li molupe lwonyama owu li uhehayali na owuna ombuto ya Kristus.
“Oshilonga eshi ndina osho ku hololela uuyuni kutya Jesus moku galuka kwaye oye ashike ta vulu oku gu tonyununa . Omushangwa ngoka ogwa shangwa kutya owuna ovakinhu veli va heyali ta va kwata omulumentu ta va ti se otwa hala oku zala omizalo, Kristus nkee ndina okushita noku valithithitha aantu uunona uupe wuna ombuto ya Kristus ,” Kristus ati ngaaka sho a pulwa . Ngashingeyi Ongeleka ndjika yili molukanda lwaKuryangava, moKatutura oya patwa manga kaapolisi omanga omakonaakono taga tsikile moshinima shika.
Sho Kundana a ningi onkambadhala oku dhengela Kristus nguka oongodhi dhe adhihe mbali okwe dhi dhima na ina tu mona iitya ye mbyoka a popi ethimbo lyepato lyongerka ye.

LEAVE A REPLY

Please enter your comment!
Please enter your name here