TUYENI KOLUPALE LA TUYENI

0
383

Tate Shuukifeni vati okwa tulwa mo

Ovanyoni po veembili momaumbo nova te ipo veehole dovanhu, ohava longifa oitya ei, ishi okutwa ovanhu komaxuli nawa opo ngeenge toi ulwa nde toi udu ngeenge ouna ngo okamwenyo kafa koxuxwa ku ka kala ngo inoo nukamo omu wa tulwa walye nee kutya omoshike.
Oshitya okwa tulwamo, osha kala hashi longifwa okudja nale, ashike oshitya eshi ohashi longifwa unene kovakwanedimo lomulumenhu have shi ningi una ngeenge va ya va ka nyanga keumbo oko ndele ina va pewa ko sha. Ilo tava indile omulumenhu omumwaina ndele okwafa ngo inaa hala okuvapa nawa eshi tave mu pula, ilo ovanhu ve wete ngo ova li homboli ava vena ohole ya vo yatwa kekipa veli hole hano sha pitilila, Ovawambo ova kala ne  hava longifa oshitya eshi tashi ti okwa tulwamo ku wete eshi ha u hala ta shikulamo.
Ngeenge ove omutungi weumbo omushamane ndele ino kotoka, efimbo limwe oto dulu oku teyelwapo eumbo loye kovamwanyoko nonande ina va ya momilele nomumulukadi woye, ovalumenhu ilo ovakainhu.
Ovamwanyoko ohava kendambala okulongifa oitya keshe ei tai ku shundula ilo iku kufe eenghono ndeumbo loye unene tu ngeenge va mono kutya ove nomukulukandi woye pokati keni opena elandulafano nohole ya twa kekipa, ngeenge ino kotoka ku kala ngo inoo panga meumbo nava mwanyoko vo vakainhu omukulukadi woye a hengana, lwa nima vo otave ku tanaukilepo tava ti oulai woye ku wete kutya omukulukadi woye okwa ya.
Hano ovashamane ava hava kala va tulwamo ovava hava kala  va ninga ngaipi mboli?
Ovashamane  ashike hava tulwamo ilo novakulukandi ohava tulwamo ngoo hano?
Opo ne tu kufe dimba meembwa she tu ude nawa kombinga yovashamane hava kala va tulwamo, tate Shuukifeni ya Dimo okwa dalelwa kOmatangela mOukwanyama, ta hombola mo 1970 omukulukadi waye adja kOnekwaya kOukwanyama meme Emilia ya Dimo.
Lopokati opo tate Dimo novakwanedimo vaye ina va kala vena ekwatafano liwa osho vati sha etwa konima eshi a hombola.
Mee Ndeshihafela yaDimo omumwaina wa tate Shuukifeni yaDimo ashike naye okwa hombolwa kOupili koushilo wEenhana shaala hano okutya naye okuli kohombo yaye, ashike oye a kala ta dana onghadangala pokati kamumwaina na suwala ya ye Emilia, sha hala okutya shinasha na Shuukifeni a tulwamo oku dishi nawa.
Ame mwene onda mona omhito pangodi opo tu popye na mee Ndeshihafela ya Dimo a lombwele nge nawa kutya ngeenge taku popiwa ovashamane va tulwamo ovava naana va ninga ngaipi hano molwaashi na pamwe naame ou handipopi onda tulwamo nale nokuli.
Halou halou!!!  meme Ndeshi opo ngo uli pongodi nee shiveli? eheno YA TUYENI, opo ndili pongodi tatekulu na ondiuditeko nawa.
Meme ndeshi oko ne muli kOupili weni ndishi omulinawa, neumbo alishe nye omwaninga tu ngo ne oilya neudo vakwe?
YA TUYENI, atushe otuli nawa lela ashike tate Wambuletu oye ngo aninga omafiku a nyika pange apa. ooo ayee meme ame onde ku dengela ngo u yelifilenge kombinga yovashamane ava vakala hava tulwamo, molwaashi mutu naave ouna ngo eshiivo shaashi ondauda kutya mumwanyoko tate Shuukifeni okwa tulwamo ku suwala shoye Emilia maala vati owafa ngo oove udishi nawa?
YA TUYENI,  ouli mondjila ovakulukadi ovanyika oshiponga na otava nyonauna ovana voo meme ndele paife ovelipo ashike vafa omadila a lokwa oshili ova hombolwa ava ayee tete Tuyeni ovadjuu wani.
Meme Ndeshihafela popya utale oshili owa hala okutya ngaipi ngeenge toti ovahombolwa tava tulamo ovamwanyoko vovalumenhu ngaipi shi yelifa utale nawa ovaNamibia va udeko nawa moshili yoo vene, tashi ti inamuka hombolwa eshi muli keehombo oko ndele omwakatulamo vali ovana vovanhu?
YA TUYENI, ino tula oinima mumwe, ngaashi ame ou handipopi apa she otuna Shuukifeni sha tate a tulwamo komwalikadi waye Emilia ndele oshili omona wameme paife nande indapo to mwi indile sha ite ku pe sha vali ngaashi kwali mefimbo lonale.
Haiti mee Ndeshihafela hano mumwanyoko okwa tulwamo ilo okwa ninga muluva paife ngeenge tamu mwi indile, popya utale oshili meme u lombwele ovanhu nawa, nye ongo ovamwaina vaShuukifeni keumbo laye ohamu ka talako shike nye nanye omuna omaumbo eni opo mu ka mone ovanhu va tulwamo? Natango meme manga inoo nyamukula epulo eli paife ngeenge owa mona mumwanyoko Shuukifeni kutya okwa tulwamo komukulukadi waye, oshike ashike naave ito tamekele oko tulamo omushamane woye ngaashi suwala yoye Emilia ove naave ouli mohombo naa ve tulamo utale omushamane oo woye ngeenge ohava tulwamo ngoo shili.
YA TUYENI, ondi ku shi nawa ouna olwaama mbinga, paife ngaaho owahala okwaamena ovakulukadi ava tava tulamo ovamwameme vovalumenhu oshili oinima tai ningwa ngo shili tu iwete wa. Meme Ndeshihafela ame itandi amene ovakulukadi, ashike onda hala nee wa pange efano kutya omushamane ngeenge a tulwamo ongeenge a ninga ngaipi molwaashi naame omushamane napamwe efiku handika tulwamo handi shili monene ngo nee ame mwene.
YA TUYENI, hamba oto tele oudila tokofa, omushamane ngeenge wahange a tulwamo, shotete oto hange ashike ta pwaalala a kalela omukulukadi waye keshe apa tai naye ota shikulamo, ngeenge owa yi meumbo laye to mwi indilesha ote ku lombwele vali tati, teelela ndi ufanepo ne manga meme wambuletu, nghe tuli itatu popi vali novamwameme vovalumenhu ovakulukandi vavo vehepo?
Me Ndeshihafela, oshili oto popi ngo oinima ushi eshi to popi ngaho, ta shi ti inatu kala vali twa mwena she hatu shikula oonekulu vetu apa tavai otashi ti otwa tulwamo, nongeenge tamu ya komaumbo etu tamu ya okwiindila ina tu lombwela ovakulukadi vetu eshi mweya okukonga, shaashi otwa tulwamo oko oku tulwamo hamu popi oko oshili?
YA TUYENI, mumati wange ounyuni owa kula ou wa, sho ovene hava kulukadi naana aveshe hava tulamo ovashamane vavo, ovamwe ngo ava veudite kutya ovahala okuninga ovashamane vavo oinima ili ngaho. Meme Ndeshihafela epulo otali ti oshina ouwa washike ne kovakulukandi ava va tulamo ovashamane vavo, nongeenge oshina ouwa wonhumba oshike ashike nanye itamu pukululwa apa pa mona ovakulukadi vakweni omadeulo okutulamo ovashamane ndele nanye tamu uya mutulemo veni, omwahala ashike okulilwa omaadi kovakainhu vakweni?
Meme Ndeshihafela nandi ku pule nee manga, ngeno oove oto udu ne ngaipi suwala woye womukulakandi eya keumbo leni ndele tave ke likunda nomushamane woye, eshi toka tala suwala shoye ota ende kwinya ta shingi owilala woikombo imwe a uka kwi mboli oyo kwali eya okuindila kumu mwaina ove kwalipo ne eshi tava popi?
YA TUYENI, ouli ngo mondjila kombinga imwe kashiwa ngoo shili ashike ovakulukandi vakwetu vamwe ovalulila unenene wa, onghe paife ovamwameme ihave tu pe vali omakwafo mbela ovo ngo ne vafa va hombolwako wani.
Ahowe meme Ndeshihafela ame kandiwete pena oupyakadi opo, molwaashi ngeenge omuwete kutya ovashamane vovamwanyoko otava fingononwa eefingo kovakulukadi vavo nanye tamekeni ashike tamu te ya eefingo ovashamane veni ava vemu hombola opo noxo mu ninge muva xupi okweenda komaumbo ovanhu nye muka popye oinima yovanhu, nongeenge itamu tameke oku tulamo ovashamane veni shapo omalalakano eni ohamu kala mwa hala okuteyapo eehombo dovanhu neehole dovanhu nye muka hombolwepo kovamwanyoko.
Me Ndeshihafela oshinima shimwe ndi hole oku mu lombwela nye ongo ovaNamibia, ovakainhu vamwe ohamu kala muli keehombo deni ndele ohamu nyengwa okulela nokutekula ovashamane veni, ponhele yaashi ohamu mono omhito yokukapopya ovakainhu ovo veli oosuwala sheni ovo mwa ninga omambungu eni, ndele ove owa nyengwa ashike mohombo yoye.
Me Ndeshihafela pwiliikinenge naana nawa, eshi ashike handipopi ngaha onda hala uka tameke nena okutulamo omushamane woye, nongeenge ku shishi inda uka longwe kovakulukandi vakweni ava homono tave shi ningi, omushamane womumwanyoko ngeenge okwa tulwamo, osho kashishi oilonga yoye na kuna eshi to shingi nande oushipopye.
Oshili mee Ndeshihafela ovakulukandi vakweni tava tulamo ovashamane vavo oshili ove oto ke shi shiva nee naini ngeenge ito tamekele kwaau woye naave tameka okutulamo omushamane woye opo mu kwatelepo omaliko eni ngaashi toula vakweni.
Vanamibia, oshitya okutulwamo opwafa ngo pehena ouyelele nawa kutya ovashamane ohava tulwamo ngaipi ndele mboli oshafa omukalo wo ku shundula eehole dovanhu neembili momaumbo onghee ne kotokeleni oitya ei ili ngaha una tamu ishakeneke tamu yuulwa ko suwala sheni nook va shivikile ovo veli ninga oohamutwe wa kongholwa.
Etitano la djako, ondapulile epulo mehokololo la ndilokelwa taliti, paife olye a kanifila ndilokelwa ohombo yaye, oye mwene ilo oshinghumbi honda shaye devi yamukwatani, nenyamukulo olo lili mondjila ololo taliti, omeekulu mukwanambwa ou ehena oshili nokuitavela oinima ei ta lombwelwa ku ndilokelwa, ye akalombwele sheefeni oshili, okwahetekela okudula ndilokelwa eenghono nokumutwala mohombo inaahalamo.
Okwa li nda mona ovadengi kongodi yange ovaleshi voshifo shaKundana omayovi, ashike natu pandule meme Peny ya Shikongo woko Lindili omuleshi wa Kundana oye a mona kutya epuko ola meekulu Mukwanambwa.
JOHN YA TUYENI
MRTUYENI76@GMAILA
CELL 0812988549

LEAVE A REPLY

Please enter your comment!
Please enter your name here