Wagozen ta ka tseyitha aahikingalo aape

0
200

KuPinehas Nakaziko

Windhoek-Olyomakaya ndjika otayi ka kala yimwe ombwaanawa moshilandopangelo moKatutura, moshitopolwa shaHakahana pehala lyoku landithila oohi lyo Kaimba sho ehangano ndyoka epe opo lya ndulukwa, Wagozen Promotions tali ka tseyitha noku ulika aahikingalo yalyo aape.
Aahikingalo mbano aape opo ta ya holoka moshimpungu shuumusiki ongaashi Oom-chax, Chindja Kuluva na Ndino.
Mbaka oyo yamwe ta ya ka mwenyeka uusiku mbuka, nelalakano opo ya kale ya tseyika moshigwana molwa oongalo dhawo ndhoka oompe nodha dhenga mbanda, oku ziilila kehangano lyawo lyo Wagozen.
Wagozen ehangano hali tseyitha noku ulika aahikingalo aape aaNamibia unene tuu mboka opo ta ye ya mowela oku ya tula miinyangadhalwa mbyoka yomainyanyudho, noku ulika uunongo wawo moshigwana.
Elalakano oku ulika aahikingalo mbaka aape oku tala ngele opu na aakwashigwana mboka yehole oongalo dhawo, yo ya
mone ompito yo ku ya yambidhidha noku
ya ningila osumina. Ehangano ndika olili
mewiliko lya Immanuel Niime,
ngoka a tseyika nawa nedhina Oom-chax moongalo, osho wo Joel Namulo, a tseyika nawa ongAma Tokolos. Aawiliki yoshituthi shika ota ya indile ihe moshigwana opo kehe ngoka a
hala okulongela kumwe na yo, a kale a holoka poshiindingili shika oshoka ota pu ka kala omainyanyudho omawanawa nogendji.
Kakele ashike kaahikingalo mbaka, ota pu kakala ishewe aahikingalo aape ngaashi The One, Omalume, Zetto Christmas, Shawiza na Last Coward, ta ya ka mwenyeka oshiithanene shika.
Poshiindingili ota pu ka adhika
ishewe ongeshefa ndjoka tayi ka landitha oohi kombiliha.
Oshiindingili shika otashi ka tameka pohamano yokomatango, pomweelo okuyamo ita pa futwa sha,ota pa pitwa ashike opunyu.

Wagozen-Omchax

LEAVE A REPLY

Please enter your comment!
Please enter your name here