Killer Stars aandaanisi dhingi monooli

0
238
Aamati mbaka yongundu ndjoka yo Killer Stars, haya ndaanisa nawa monooli

 

Windhoek- MOngwediva, mondoolopa ndjoka yi na omwaalu tagu indjipala, monooli yoshilongo, omwa yambuka ongundu yaamati mboka haya vulu okundaanisa nawa yedhina Killer Stars.

Ndika edhina lya tseyika nawa mehangano lyokundaanisa unene tuu moshitopolwa shanooli, moka yeli haya ulike uunongo wawo konyala kehe ehulilo shiwike mpaka naampeyaka.

Ongundu ndjika yaandaanisi oyali ya totwa po kaandaanisi yahamano, momvula yo 2008, nelalakano oku etapo iinyangadhalwa yomainyanyudho ya yoolokathana moshilongo.

“Edhina lyolyene otali popi nale kutya oshike hashi vulu okuningwa kaamati mbaka oshoka ohaya thigi omuntu to yolo ngele taye kundaanisile unene piituthi ya yoolokathana,” omuwiliki gwawo Naftali Nghishekwa ta ti ngaaka.

Ongundu ndjika yaandaanisi ohayi nyanyudha piituthi ngaashi poohango, puulalelo walongekidhwa nawa, nelalakano okumwenyeka nokufala  omainyanyudho komeho.

Kehe gumwe wa mona aamati mbaka taya inyenge ito hala nokuthiga po ehala oshoka ohaya inyenge nawa.

“Aamati mbaka ohaya ndaanisa unene omaimbilo ngoka gwoKwaito, noHouse taya lungile mumwe naandhoka dheya nale,” Nghishekwa ta ti.

Shoka  sha tula ongundu ndjika kumwe omolwa sho yena onkalo nohole ndjoka yuumwayinathana, no ihaya kondjo nande.

 

LEAVE A REPLY

Please enter your comment!
Please enter your name here