Longitheni uuteknologi mu gamene omaliko geni

0
287

ONDANGWA-Opolisi yomOshana oya indile aanangeshefa ya longithe omukalo gwoshinanena gwokulopota nokukwathele opo iinima yawo ngele ya yakwa po yi monike mbala.

Omugandji uuyelele mopolisi yaShana Thomas Iyambo okwa popi ndhoka mEtiyali kOndangwa sho opolisi ya kwata eshina lyoJackpot nohauto ndjoka ya longithwa miikulumuna mbika yokuyaka ondingosho moshitopolwa moka.

Okwa hokololwa kutya oombudhi ndhika odha ponokele pondingosho yedhina Inakusha pomukunda Okankete popepi nOndangwa.

Shika osha ningwa potundi onti 24h00 uusiku omanga omulandithi ali ta pata ondingosho ndjoka.

Ondingosho ndjika omwali mwa kuthwa oondola 2 500 koomuma neshina lyojackpo lina  omwaulu gwiimaliwa mbyoka kaayi shiwike.

“Sho yeya oya ulike ndje ondjembo momutse noku lombwela ndje ndi lale egombe opo ya longe iilonga yawo,” omulandithi a hokolola ngaaka.

Omulandithi okwa ti konima sho aalumentu mbaka yaali ya homata yayi okwayi paashiinda mpoka a ka lopota oshiningwanima shika opo ya vule okulombwela mwene gwehala.

Ashike anuwa opolisi noshowo ehangano lyaShilimela Sekuliti ndyoka lya tulamo okangendjo kokulopota olya kwathele oku mona eshina ndyoka mpoka lili , na oya tidha oombudhi ndhoka sigo oompoka dha tula eshina.

Eshina ndyoka okwali ya tulwa megumbo lyaandjawo ya gumwe gwomoombudhi etaya fadhuka po.

“Sho opolisi ye ya tidha oya hingi noku hingilila sigo oshihauto shawo tashi kanitha okondolola etashi idhenge momuti moka yeshi thigi yo ya matuke koompadhi,” Iyambo ati gaaka.

Opolisi oya uhala mokashoko na gumwe gwomuyo okwa li a mangwa a adhika kOshikango.

Mwene gwongeshefa Beata Kadhila Shaningwa, okwa pandula opolisi sho ya endelele po oshiningwanima shika.

Iyambo okwa ti oshihauto shoka shalongithwa miinima mbika ngashingeyi osha li otaxi ndjoka anuwa ya indilwa kukuume komulunga gumwe omanga ye a lala mondunda.

Anuwa sho yadhenge ohauto ndjika momuti oya dhengele omuhingi gwotaxi kutya naye kopolisi opo a ka lopote kutya ohauto ye oya yakwapo.

 

 

LEAVE A REPLY

Please enter your comment!
Please enter your name here