Oongodhi natango kadhina onetwork

0
290
Methano otamu monika gumwe gwomaakalimo yomEengodi a londa koshiti hoka ta kongo omakuthikuthi gongodhi ye, ye a vule a ninge omakwatathano naashiwikile ye.

 

OSHAATAHA – Aakalimo yomoshikandjohogololo Eengodi no shaNehale lyaMpingana natango onkene ngaa taya mono iihuna ngele ta shi ya pomakwatathano gopaengodhi, oopate, iipangelo noshowo omayakulo gopolisi.

Nonando Eengodi odha talika ko onga shimwe shomiikandjohogololo mpyoka ya kala hayi hogolola nawa aaleli yopashigwana, aantu mbaka otaya ti oye wete ya dhimbiwa oshoka sigo oompaka ka ye na omayakulo ngaashi aaNamibia ooyakwao moshilongo ashihe.

Onkalo yatya ngeyi oya thiminike nokuli yalwe opo ya tule oomwenyo dhawo moshipongo sho ya tungu ooshungo oonde hoka haya londo nelalakano lyoku konga onetwork.

Ooshungo dhoka dha ningwa miiti mpyoka oya ndhikwa oometa dhontumba okuza mevi onga onkambadhala, ashike onetwork oha yi monika owala omalupita. Oyendji otaya popi kutya oongodhi dhawo ohadhi kala owala kohi yoondjato, yo taye dhi kutha mo owala uuna ta ya yi koondoolopa.

Mbono ya dhika iiti yokukonga omakwatathano momagumbo gawo otaya popi kutya osha nika oshiponga okulonda kiiti mbyoka oshoka thimbolimwe omuntu oha gu ko ye ta mono ishewe oshiponga shoka tashi vulu oku mu lemaneka.

“Oshinima shino shomakwatathano oshetu ehameka unene noonkondo nota tu indile epangelo li ye mo olunyala tse tu kale moshilongo twa manguluka, otwa kala noku kuga ashike oonkugo nomawi getu mbela oha gayi momakutsi ga thita, natse otwa hala ngaa tu kale twa manguluka tatu inyenge moshilongo shetu tuna ombili, elandulathano nuuwanawa mboka yakwetu yena koombinga dhawo,” gumwe ta ti ngaaka.

Omukalimo gomomukunda Oshaataha okwa hokolola kutya yo oyena unene uudhigu nomakwatathano uuna ngele momukunda mwa holokasha, oshoka ka yena nkene ta ya ningi omakwatathano nopolisi, yo yi vule okuya yi kandule po omukundu mbala.

“Olundji nopendji aantu ota ya sile momagumbo omolwa onkalo yiinano iile nomolwa omakwatathano ngono kaa tuna, otatu indile opo epangelo li hedhithe omayakulo popepi naakwashigwana opo ando tu kale tatu longo twa manguluka tse tu mone kutya eeno osho shili otatu tyapula iiyimati yemanguluko lyoshilongo shetu,” ta ya gwedhapo.

“Otundji otu na omagumbo nomapya getu ge li momakuti muuzilo wOndonga mOshikoto, ashike ngele to tala omahumukomeho ihatu ga mono nawa, otwa pumbwa oondjila nenge tu tye oopate oshoka huno oha tu thikiko nuudhigu, ongele owala omuntu wu na ohauto ha yi nana nomagulu agehe. Oondjila niitawu mbyoka hatu longitha odhina  efululu nevugu ele unene no shetu pula oshindji oku hepekelamo iimaliwa yetu,” ya popi ngaaka.

Oonkundathana ndhoka dhali dha ningwa pokati ka kansela gwa Nehale lya Mpingana, Leevi Shiningombwa oshowo gwEengodi, Valde Sheyavali oya ti oya kundathana nehangano lyoondjila moNamibia, no ta pu ka kala pwa tungwa oopate mbala ndhoka tadhi kwatakanitha omikunda niikandjohogololo mbyoka.

“Onkalo ndjoka yoopate ndjoka natse otu yi shi no ta tu kwashilipaleke aakwashigwana kutya omakemo gawo otaga kandulwapo mbala na ya kale owala metegelelo, okwa thanekwa woo opo ku ka tulwe omatenda goonetwork poosenda dhimwe ngaashi pOhedimbi,Onaluthipa, Omboto na dhilwe woo , oshoka moshili aantu mbono oyeli muudhigu, na ya kale owala ya tegelela omalongekidho agehe ogeli metifa,” Kansela Shiningombwa uuvaneke.

Network-com Network-com2`

LEAVE A REPLY

Please enter your comment!
Please enter your name here