Seaflower ta palula ovaLuderitz nopoushiinda.

0
251

 

Ovakalimo vomoLüderitz ovo ve li momhumbwe yeendja, ngaashi ounona vofikola, ovakulupe, noshoyo omandiki oo haa teleke osopa nokutukulila ovo veli momhumbwe yeendja , ova pewa oipakete yeeshi kuMeya wodoolopa Hiralia Mukapuli oshivike sha ya.

Eeshi deetonha di li hamano oda yandjelwe pambelewa kOmunambelewa omukulunhu ta kwafele mehangano lokukwata eeshi laSeaflower Group, Mike Nghipunya pehovelo la April neudo.

Eeshi edi oda yandjelwe moipafi ya Minista oo elilepo okulwifa oluhepo moshilongo Omubishopi Zephania Kameeta, da yandjwa kelelo lodoolopa opo li topolele ovanhu ovo veli momhumbwe.

Ehangano loku yula eeshi Seaflower ola kala noku yambidida pa ku yandja eeshi komaumbo ovakulupe, keefikola domo Lüderitz osho yo moshitopolwa sha//Karas, nokomandiki oo haa teleke osopa mo Lüderitz.

Opo shikale shipu oku topolela aveshe ovo veli momhumbwe, Seaflower melongelo kumwe nombelewa ya Meya wo doolopa ya Lüderitz ova totapo ongundu ta yuufanwa Lüderitz Town Council (LTC) and Seaflower Umrella body ya fikamapo mu Meya, omunambelewa oo elilepo ovakwashiwana melelo lodoolopa, omukwashiwana umwe, nomunambelewa okudja ko Seaflower.

Ongundu  oyo oyo nee tai kala nokufya oshisho opo itopole nokufikifa eeshi odo kwaavo vedipumbwa moshitopolwa.

Seaflower okwa udaneka ta kala ha yandje eetona deeshi difike 12 kodula, odo tadi kala hadi topolwa, taku yandjwa tete eetona 6 , opo nee dikwao dili hamano tadi ka topolwa vali okuya pehulilo lomudo, omo tamu ka dja odo tadi ka ningila ovakulupe oshivilo shokuyele sha Krismesa okuya pehulilo lodula.

Meya wodoolola ya Lüderitz opamwe noKommittee ya ye ova hovela nee okutopola eeshi odo Etivali loshivike sha ya. Omaumbo oo a tofwamo kokKommittee oyo oshosho omandiki okuteleka osopa modoolopa, okwa havalekwa efiku tuu olo.

Mukapuli okwa tumbula kutya etopolo leeshi ota litwikile fiyo eetona odo dili 6 deeshi odo vapewa oshikando sho tete ve di manapo okuya pehulilo la Juni neudo  otava ka havaleka omaumbo eli 14 momukunda o Aus, oshoyo omaumbo eli 52 moshikandjohoololwa sha Berseba.

Mokutambula ko eeshi odo vaetelwa po Nautilus Soup Kitchen Elriza Le Hanie okwa pandula unene ke yambidido olo va mona eshi va pewa eeshi, opo vadule okutelekela ovo veli momhumbwe yeendja modoolopa. Le Hanie ta tumbula kutya eli olili olo eyambidido lavo lotete odula yoneudo. Tati ova kala ashike noku palula oshiwana okukufa meendjato davo.

O Nautilus Soup Kitchen oya totwapo modula 2014 no yak ala noku topolela ovanhu vahapu osopa luvali moshivike, Etivali nEtine.

Le Hanie okwa tumbula kutya omwaalu owa ka londa fiyo opovanhu veli 80.

Odula yadjako, Le Hanie ova talululamo movanhu omo tava kufamo ashike ovo veli shili momhumbwe yeendja, novaninipika omwaalu fiyo opovanhu veli 45.

Le Hanie okwa pandula unene ehangano lo Seaflower eshi la tokola okuva yambidida opo vadule okuya komesho nokupalula oshiwana.

 

 

LEAVE A REPLY

Please enter your comment!
Please enter your name here