TUYENI KOLUPALE LA TUYENI: Oukodi oshinima shanyika oshiponga mohole ta!

0
347

Mounyuni wonale ovashamane okwali vakodi, ashike oukodi wovashamane nee ovo efimbo limwe okwali ngo tau ku nyenge ngeenge owelipula nawa. Oto hange omushamane ha kodilile ovakulukadi vaye aveshe ava ekwete meumbo ndele ye meumbo iha nangala mo ohaka nangala vali kokaumbo.

Ame nee eshi ihai tu kumwe noukodi, vamwe ndaya navo meengundafana otava popile oukodi molwaashi vati ngeenge owa hange omulumenhu ta kodilile omukulukadi waye vati otashiti ngaho okumu hole. Ashike, omolwashike uhole omukulukadi woye ndele, meumbo ito nangalamo oto ka nangala vali poushiinda?

Nye inamu mona oipwe noidila vakwetu, oto hange omulumenhu mukodi ndele ngeenge otaende nomukulukadi waye ndele tava shakene ngo nande onomushamane umwe ndele tava tameke tava minikafana, eshi ngo tadi opo vati omukulukadi okwafa ngo a nyawa peke eshi aminikwa ye noxo okwa li tamenye mo mutu omulumenhu owaye ngo ngaho.
Omushamane mukodi ndele ngeenge omukulukadi otai ngo nande omepya oufiku tekeli vatela eshi tadi mepya omo ota nyikwa keenyala daye ndele nopomeekulu mukwanambwa otapa nyikwa ta pulwa kutya okwa li takwata shike mepya. Eembwa nadi wede ne ovanhu vaka nangala omukulukadi eshi tapiti ongula ota dengwa shaashi vati mutu ovalumenhu ngo vaye kwali tava wedwa ngaho, ye efimbo limwe noxo otashi shiva eembwa edi udite tadi weda naye a nangala kokaumbo.
Oshinima shoovene natu sheete ashike pouyelele kutya, ovashamane vamwe ava hava kala vakodi, ngeenge tava kodilile ovakulukadi vavo oshayela kutya oha vakala tava diladila oumbudi ou hava ningi.

Oshinima shimwe nda koneka, shima ngo ndele owafa ngo hokodilile omukulukadi woye sha pitilila ndele naye te ku koneke mo kutya ove okaana kapyu poukodi, oshili ngaho owa weda ne vali koumbudi waye shapitilila molwaashi ote kulilongo ashike nawa ndele oshili nande okuningesha ngo vali shapuka komesho yoye, shapo omeulu tokeshuuda ngeenge mwa ka shakena.

Onda ya meenghudafana na tate Ndemwiimba yaHamukoto ashivika nawa moVenduka okati komokutwi.
“Haiti tate Ndemwiimba hano eshi muli moVenduka omwa ningila mo eembwiti ile ohamu i ngoo kOwambo oshivike shadjako ndaenda ngo nopEfululula peumbo loye penya nde odalate yoye yekove oya teka po?
YA TUYENI, ame onda ninga efiku inaandi ya ko, mutu eemwedi 8 ngo lwaapo ashike omukulukadi wange ohandi mu tumine ngo keshe fimbo wani.
Ai tate Ndemwiimba sha hala okutya shima ashike ho tumine omukulukadi woye omilongelo otashi ti ove ino pumbiwako vali, hamba eshi tashi tongwa kutya ovashamane onye ngo tamu li ovakulukadi veni eendjala oshili ngo, ngeenge okwa ka vaka ove to nukifamo vali omesho wafa eima la halukifwa.

Tate Ndemwiimba ame ondihole ashike okupopya oshili. Oshikando shimwe kwali handipopi oumbudi wovakulukadi okwali tamu yolo pokati komakanya mbela muwete ne ve kwetifwe ko, hano oshike muli ngaho mboli?
YA TUYENI, nandi kulombwele ne manga kutya oukodi ngaashi ne ou tau tongwa hatu kodilile ovakulukadi ohau tamekele peni, ovakulukadi ohava ningi ngaha, eshi toi koilonga omutenya ovakulukadi vetu ava ohatu hange vali valya okamusha omutenya novashamane vamwe.
Tate Ndemwiimba popya utale nawa owa hala kutya ngaipi , ovakulukandi veni vo ihava i koilonga?
YA TUYENI, ngeenge taku popiwa okamusha ngeno okwa li oufiku ngeno otaku tiwa okahauxungili ndele molwaashi oshinima oha shiningwa omutenya paife oshinima ohaku ti ngoo nee okamusha.
Oukodi wovashamane she ohatu weetelwa kovakulukadi vetu molwaashi oinima ei have tu ningi oshili katushi kutya ohava kala va hala okutya ngaipi.
Aayee Tate Ndemwiimba opo aluka po manga opo, eshi to ti oinima ei ha mu ningwa kovakulukadi veni oyapuka, nye ei hamu ningi ovakulukadi ndishi nayo omweitenda ngo koshi? Nye paife ne eshi hamudi koilonga oko hamu hange ovanhu valya okamusha nale ohamu uya ne okupewa okahauxungili aka topopi molwaashi ovakulukadi ohamu hange valya okamusha nale?
YA TUYENI, tala ndiku lombwele oshili, openi wa mona omunhu uli meumbo nomukulukadi woye ndele keshe fiku eshi ngo tamu ka nangala omunhu okwataalela ngo kwinya vati otavele omutwe ye itai koshipangelo.

Tate Ndemwiimba, ilo pamwe nanye eshi hamu i koilonga ovakulukadi veni ovauda kutya ohamu ka lila ko oumusha omutenya vo vatila okumupopya omolwa omakuni aa eli momitwe deni nye noxo efimbo limwe kamu hole oshili tai tongwa.
Paife otamu kala ngo ne ihamui koilonga nye mukale muli konima yeembashu davakweni tamu tale ava tava kalya okamusha novakulukadi veni nokonima nye muka kwatwe ngo nokomhepo yokudipaya eshi toka hanga okamusha taka liwa, noshinima shimwe nda hala okupula hano ovakulukadi ne ava muli navo moVenduka ava tavali okamusha ava ovo ngo veni mwa hombola ilo ava oixupifila mwi ilikongela hano manga muli komaonda?
YA TUYENI, efimbo limwe oshili ove ohopopi oinima yoshinauvaya wafa weeheshi omulumenhu mani, ngaashi ame ondina ngo wange wokuushimba naau eli kOwambo, oyo oinima yoshilumenhu.

Aayee Ndemwiimba mboli ovakulukadi veni navo otava ningi ngo oinima yoshikulukadi ngaashi topopi yoshilumenhu.

Ndemwiimba ya Hamukoto, pwilikina ndiku lombwele utale nawa, oukondi umwe oo ha mu kala mwa tula keemwenyo oo hau mweetele mu ka kutule novakulukadi vovanhu ominino. Nghee nee omushamane to leshwa meenghundana moRadio owa dipaya molwaashi vati wa lililwa okamusha, okamusha aka ka liwa po okoye oko, iho kakonga kamwe?
Oshitivali ovakulukadi ava oshili kandiwete vali tamu vadulu molwaashi onye hamu valongo oumbudi noilonga youmbalabali
Oshititatu nda hala okuku lombwela omukulukadi ngeenge owa mono ne kutya okwa yandja po okamusha koye, mweefa ponhele yoku mu dipaya molwaashi paife owa telela vali a yandje po okahauxungili koye.
JOHN. YA TUYENI
MRTUYENI76@GMAILA
CELL 0812988549

LEAVE A REPLY

Please enter your comment!
Please enter your name here