A yonenwa oshikunino she kuhekulu

0
226

ONGWEDIVA-Omulumentu gwepipi lyopokati okwa limbililwa omolwa hekulu ngoka ta yonagula po oshikunino she, ye omo ha hupu.

Fanuel Lungameni omunamimvo 43, okwa ti hekulu Elia Nakapela Kashoye ngoka a pewa egumbo konima sho yinakulu asi okwa tameka okuteta po omiti nokufila po omuthima moka mwali hamu tekwa omeya gokutekela iimeno mbyoka.

“Tatekulu ngoka okwa teta po omiti dha ndje dha adha pomugoyi ngaashi ndhi dhomamango, omakwaava nosho wo oomweenge dha ndje, mo miimeno mbika omo nda kala handi hupu sho twa kala nanakusa kuku,” Lungameni ati ngaaka.

Okwa ti oshikunino shoka oshili mepya ihe oya kala haya hupu mo yo na yinakulu ngoka emu putudha sigo nguka ota si. Omanga anuwa yinakulu inaasa okwa thiga a popya kutya oshikunino shoka oshomutekulu gwe ngoka a kala naye.

Okwa ti ye ngashingeyi okuna aanona yatano, oye he ya yambidhidha oshoka ooyina ihaya longo, naye oha hupu ashike moshikunino shoka.

Okwa ti okwa li a hupa okamuthima moka ha kutha omeya ge gokutekela iimeno ye nomiti dhe ihe ngashingeyi okamuthima ke oka filwa po ku hekulu oshoka aniwa omeya omalulu.

Ihe ye okwa ti omeya ngoka ogo ngaa ya kala haya longitha, na yinakulu okutekela iimeno ye ihe ka gali gena uudhigu, ndele hekulu ngoka ali ombwiti, ngashingeyi ke uvite ombili sho omutekulu gwe ta mono uuhupilo mepya ndyoka a thigulula.

Oshikunino shika anuwa osha tameka okugandja uuhupilo okuza momvo 2002 sigo 2014 moka yinakulu a hulitha. Sho nduno hekulu Katanga Kalulu a pewa epya kuuwa anuwa, okwa ti kutya oompango dhe hadho dha yinakulu ya Lungameni noshikunino shoka oshina oku hanagulwapo.

Sho Kundana a dhengele Kashoye okwa ti kutya ye oomweenge okwedhi tetapo oshoka otadhi eta iimuna mepya.

“Ngame omiti ndhoka nda teta po oondhoka tadhi kwegununa oondunda . Nomuthima ondegu fila po oshoka omeya omalulu nuunona otashi vulika wu ka gwilemo,” Kashoye ati ngaaka.

Kashoye okwa popipo wo nomukumo kutya ngame onde mu lonmbwela kutya oompango dha yinakulu hadho dha ndje egumbo ndika ngashingeyi olya ndje na okuna oku iyutha koompango dha ndje.

Kundana okwa ningi woo onkambadhala opo a popye namwene gwomukunda Nghipongombe Shilenga ngoka ati oontamanana ndhoka okudhishi ihe Lungameni inaya ko kuye eke mu lombwele ye awape aye mo oonyala moshinima shoka.

 

 

 

LEAVE A REPLY

Please enter your comment!
Please enter your name here