Aakadhona dhingi ya hiwa ya kuthombinga muMiss Okapuka

0
349

 

 

Windhoek-Uukadhona mboka wu na ohokwe yoku ka kutha ombinga methigathano lyo komvo lya Miss Okapuka nuumvo, ota wu indilwa opo wu kale wi ishangitha manga omasiku 15 Juni inaa ga thika.

Aalongekidhi yoshituthi shika oya tseyitha kutya, nuumvo ethigathano ndika olya kwata miiti, pamwe nomainyanyudho kaakunawe, nomanzuna ngoka gena oomvula dhili pokati ko16-25 na ga kale gi ishangitha omanga kuyele go ga mone ompito ombwaanawa yoku kutha ombinga.

Miss Okapuka ota ka ningwa momasiku 25 Juni nuumvo, pethimbo lyuudhano wotonamenda yOkapuka ndjoka hayi kalako kehe omvula. Oshiindingili shika otashi ka ningilwa poSekundo sikola yaPonhofi, modoolopa ya Helao Nafidi moshitopolwa shaHangwena.

Oofoloma dho ku ishangitha otadhi monika kondando yooN$50.  Miss Okapuka oshiindingili shoka hashi kala sha dhenga mbanda, no hashi ningwa nelalakano oku indjipaleka noku gandja ompito ombwaanawa ya elekana kuukadhona dhingi mboka wa hala oku ulika oshitalenti shawo noku shi tula pomuthika gwo pombanda.

Omusindani ota ka mona ompito ombwaanawa yoku ka kala oye omukalelipo gwaagundjuka ngele tashiya puudhano mbuka wOkapuka. Oye ishewe ta ka kala omukwatakanithi gwaagundjuka opo ya vule oku ulika omithigululwakalo dhawo mpaka naampeyaka,  nomiitopolwa ayihe yoshilongo.

Oofoloma ndhika otadhi ka adhika ihe moshifo sho The Namibian kehe esiku, nenge kaalongekidhi yoshituthi shika.

Gumwe gwomaalongekidhi, Succes Da Silva, ota indile opo kehe omuntu, aanangeshefa mboka ya hala oku kwathela methigathano ndika ya kale ya holoka manga kuyele, oshoka ndjika otayi ka kala ompito ombwaanawa oku tseyitha noku ulika oongeshefa dhawo.

Miss Okapuka okwa totwa po komahangano ngaashi Da Silva Modeling Foundation, I Run My Life Clothing, Kashipu Clothing, Club 112 noExclusive Vip Cleaning Service.

Aahikingalo mboka ya hala oku nyanyudha esiku ndika otaya indilwa opo ishewe ya kale ya gandja omwaalu gwofuto yawo.

 

 

 

LEAVE A REPLY

Please enter your comment!
Please enter your name here