Ethigathano lyaOld Mutual mOshakati ongula

0
213
Aakuthimbinga muudhano waOld Mutual womumvo gwaziko. Nuumvo uudhano wo ku tondoka hawu kwashilipalekwa kuOld Mutual edhingoloko lyotango lyomomadhingoloka gane otali tamekele mOshakati lyo lya hugunina otali hulile moVenduka.

OSHAKATI-Ethigathano lyokumatuka lyaOld Mutual Victory Race lyokomumvo nuumvo ota li tamekele mOshakati.

Ethigathano ndyoka hali dhanwa iikando ine olya tegelelwa li ka nyanyudhe aakalimo yomOshakati ongula yOlyomakaya okuziilila pOkapale kEmanguluko.

Omaishangitho gaamboka ya hala oku kutha ombinga otaga ningwa  mEtitano pOkapale kEmanguluko mOshakati.

Okalaba ndjoka tayi ka kala yi na aakuthimbinga oyendji otayi ka yambula po okapandi koodola N$ 2 000.

Atondoki oya tegelelwa ya ka kuthe ombinga moshinano shookilometa ntano osho wo oshinano shookilometa omilongo mbali na yimwe.

Aanasikola mboka yeli kohi yomimvo 20 otaya ka sindana iimaliwa yokwi ilongitha, nosho wo i ikwathithilongo.

Muudhano waakuluntu aakuthimbinga otaya ka matuka taya ningi shanamutango opo ya mone ompito yo ku sindana po ondjambi ya hugunina.

Uudhano mbuka owa tegelelwa wu ka dhanwe iikando ine lwotango mOshakati, Olyomakaya, tawu ka dhanenwa koSwakopmund, koKeetmanshoop nedhingoloko lya hugunina ota li ka dhanenwa moshilandopangelo moVenduka moka omusindani gwotango moshitopolwa kehe ta ka sindana oshipandi shooN$15 000, omutiyali N$10 000, nomutitatu N$5 000.

Uudhano mbuka oha wu etelele omanyakwa agehe moNamibia onkene hawo woku pitililapo omuntu.

 

LEAVE A REPLY

Please enter your comment!
Please enter your name here