Haipumbu okuna ondjodhi onene okuyambula po oshitalenti she

0
221
Magdalena Haipumbu a thanekwa pamwe nooprincesa dhe mbali konimas sho ye a ulikwa Miss Totem EXPO mOshakati iiwike ya piti.

OSHAKATI – Ondjodhi ya Magdalena Haipumbu oya ningi yoshili konima sho ali a ulikwa oye ontana yanelende dhingi methigathano lyomukadhona dhingi peuliko lyomazimo niinima yopamuthigululwakalo mOshakati oshiwike shayi.

Haipumbu omunamimvo 21 pethimbo ndika okwa li a holola nenyanyu kutya sho ali omunona okwa kala ena ehalo nohokwe yokukutha ombinga momathigathano guukadhona dhingi.Manga a li mosikola , okwa li a kutha ombinga lwotango nokwa sindana oshishani shomu kadhona dhingi.

Ontana ndjika oya mana ondondo onti12 no tayi opaleke iitsa yayo. Haipumbu ta ti okwa hala oku ulika oshipewa she opo a gandje oshiholelwa kuunona mboka opo ta wu putuka wo wu kale tawu kutha ombinga momathigathano nga ngoka.

Haipumbu okwa holola kutya okwa sindana iishana niikoloni oyindji , nolundji ngele a yi momathigathano oye ha ulikwa ongo omukadhona dhingi. Okwa li a ningi Miss High School Namibia mo 2014, ethigathano ndyoka lyali lya ningilwa kOvendukai Ethigathano ndika olya li lya ningwa omanga ali omunasikola moSeko yaNehale.

“ Onda hala ndi yambulepo oshipewa shandje shoka ndina, iishani mbyoka nda zala ondiwete inayi gwana natango, nondina ehalo nohokwe ndi ka kuthe ombinga methigathana lyontana dhingi moshilongo koomvula dhokomeho, omathigathano goludhi nduka ka ge shi omapu ohaga pula omuntu wuna eidhidhimiko, no to vulu okutaambako iizemo ngaashi tayi gandjwa kaagandji yiitsa,” Haipumbu ta ti.

Etine lyoshiwike sha ziko Haipumbu okwa li  a kuthombinga methigathano naakadhona yakwawo 10, nokwa li a ulikwa oye omukadhona dhingi poshiindingili sho TOTEM 2016. Haipumbu okwa pewa omagano ogendji mono mwa kwatelwa oshimaliwa shooN$ 5000.

Mboka ya yambukamo methigathano ongaashi Saara Shipuata 1st princess ye oye miss personality ngoka apewa N$3 000, princess omutiyali oye Rauha Nakatana a pewa N$2 000 nokasiga ko ku yenyeka iikulya (microwave), Saara Shoopala okwa li a ulikwa oye miss photogenic nokwa pewa okaGO TV.

Haipumbu okwa ti ota pula komeho noshipewa she opo a gwanithepo ondjodhi ye naashoka ta lalakanene monkalamwenyo ye. Okwa kumike ayehe mboka yena ehalo okukutha ombinga momathigathano goludhi ndoka ya longithe ompito ngaashingeyi, yo ya ulike iipewa yawo noku ninga oondjodhi dhawo dhi kale dhoshili.

 

 

 

LEAVE A REPLY

Please enter your comment!
Please enter your name here