Oalubuma yaOrizza osho ya piti

0
296
Orizza ngoka opo a pititha oalubuma ye ompe yedhina Music Embassy

 

Windhoek-Omu imbi omugundjuka gwoongalo dho Kwaito, Hafeni Immanuel, a tseyika nawa Orizza nenge ashike Ufanenge Orizza, osho a pititha oalubuma ye ontitatu yi na omulyo gwoongalo dhoKwaito yedhina Music Embassy.

Kohi yehangano lye yemwene, BO2 Entertainments, Ufanenge Orizza okwa ti okwa pititha oalubuma ndjika tayi dhenge unene omuthindo koongalo dhoKwaito no Afro-pop, nelalakano okugalula omulyo gwoludhi lwomusiki ndjika mehangano lyoongalo moNamibia.

Oalubuma ndjoka yi na oongalo dha adha po 14 ota yi inyenge nawa nale unene mooradio dhomoshilongo, moma Jukeboxes osho woo mooTaxi, oshiwike ashike shotango sho ya piti.

Okupulakena oradio koalubuma yo yene oto a dhamo oongalo ngaashi ndjoka yotango yedhina “Intellectual Hammer” yi na ochoorus nomikwelengendjo dhawo otadhi inyenge nawa.

Ongalo otayi kumagidha opo aantu ya tale kutya ookuume kawo oyo yeni.

Moalubuma omuna ishewe ongalo ndjoka Apology, ya ningilwa omikwelengendjo ku M-Jay, no tayi kumagidha  opo aagundjuka yo pethimbo lyonena yi ilonge okugandja ombili mpoka yo ya ninga epuko.

Orizza ota ti ongalo ndjika otayi popi lela kombinga yiiningwanima yesiku kehe, onkalamwenyo, nomahepeko ngoka ha ga ningilwa aakiintu naanona na ishewe tayi longo aagundjuka opo ya yande omadhipagathano gopahole.

“Ongalo ndjika otayi longo ishewe oshigwana opo shikale shi shi okudhiminathanapo, noku kala nonkalamwenyo yili nawa komeho,” Orizza ta ti.

Moalubuma omuna ishewe ongalo ndjoka yedhina “Eemedi Dange” ta kwathelwa ku Exit naNeslow yi na omulyo gwoKwaito tagu hokitha.

“Onda kala ndi ipyakidhila mostudio okuza ashike etameko lyomvula ya ziko, noka shali nande oshipu oku etapo oalubuma ndjika,” Orizza ta ti ngaaka.

Moalubuma muka okwa longa nee na  Elvo, K-Ketu, Neslow, Exit naahikingalo ooyakwawo, mboka ya ninga oalubuma opo yikale tayi ende nawa.

 

 

LEAVE A REPLY

Please enter your comment!
Please enter your name here