Oliha yaakokele moNooli ya pitako

0
217

ONGWEDIVA-Oliha yomainyanyudho yaakokele mboka haya dhana etanga lyokoompadhi ndjoka ya ningi ethimbo ihaa yi dhanwa we manga otayi ka tameka ishewe omwedhi nguka.

Uuna omaudhano ngaka ga tameke okwa tegelelwa aakalimo yomiilando Ongwediva nOshakati ya ka mone nokutala omaudhano omawanawa oshowo omainyanyudho kaakunawe.

Omukwateli komeho guudhano mbuka Olalekan Ajani “OJ okwa ti oliha ndjoka ya kala owala noku popiwa ndele iha yi dhanwa nenge yi longekidhwe ngashingeyi oya thika no ka pena shoka tashi yi kateke .

Ajani okwa ti oya kala ya taalelwa komaupyakadhi gopautekinika naangoka goshimaliwa. Ihe ngashingeyi  uupyakadhi mbuka oye wu taaguluka sho ya  mona ngoka ta kwashilipaleke oliha ndjika.

Okwa ti oya thaneka ya ka tameke nuudhano wotango mehuliloshiwike lyomasiku 18 Juni 2016 moka oospana hamano odho tadhi ka kuthombinga esiku ndyoka.

Omulongekidhi nguka okwa ti otaya longo nuudhiginini opo ondjodhi yoliha ndjika yi ninge yoshili oshoka oosipana ndhoka hadhi kutha ombinga muudhano mbuka odha kala dha tegelela ethimbo ele.

Ajani ta ti kakele koospana hamano ndhoka  odho dhi ishangitha nale, natango ota ya tegelela oosipana odhindji dhi ka wayimine oliha ndjika naa shika ota shi ka lundulula onkalo yomainyanyudho koNooli mokati kaakokele , aagundjuka osho wo aaniilonga mboka olwindji ha ya kala taya tidha po ezaza pomahala gomanwino.

Okwa ti nguka ogo omukalo goku eta aantu pamwe ya tseyathane yo ya topolelathane uunongo nkene yena okwi ihumitha komeho okupitila momaudhano.

Okwa ti oliha ndjika ota yi kala ha yi dhana aluhe Olyomakaya noSoondaha, no tayi ka dhanwa omadhingoloko gaali moka osipana kehe tayi kutha ombinga ya tegelelwa yi dhane nonkwawo iikando iyali.

League 1:

LEAVE A REPLY

Please enter your comment!
Please enter your name here