Omapendafule gomaudhano ga ka dhilongela

0
271

ONGWEDIVA-Omwedhi Juni itagu endele nawa oshimpungu shomaudhano, sho gwa faalela oomwenyo dhomanyakwa ge li gaali gomaudhano, tango omudhengingonyo Muhammad Ali ngoka a hulitha omasiku 3 Juni, na Stephen Keshi ngoka a hulitha uusiku wokupendukila Etitatu ndika.

Kundana okwa  yi moonkundathana na yamwe yomaanawino naadhani aakulu opo ya gandje omaiyuvo gawo nkene ye shi omapenda ngaka

Josef Benhard omudhengi ngonyo omukulu ngoka a li wo a kalele po Namibia kuudhano woOlyimpics koAtlanta 1996 Okwa ti.

“Ongame gumwe gwaamboka aanelago okumona Ali oshipala noshipala, sho a li oye a teme onyeka puudhano wOlyimpics moAtlanta omumvo 1996 moka Stephen Keshi nosipana ya Nigeria yali ya sindana po omendalia yoshingoli”, Benhard ta ti.

Okwa tsikileko ta ti Ali okwa li omudhengingonyo kakuna we oshoka ka li ha tila sha naadhengingonyo ooyakwawo oya li ye mu shi nawa.

“Okwa li ehole oku ninga ekudhilo uuna uuka mokapale, ka li ehole oku siikila oshipala she ngele ta dhenge oongonyo, ano okwa li ha etha omukondjithi gwe emu dhenge komutse ngaashi a hala ye ta tameke nee ta ponoka afa olwaadhi, naashika pamwe osho she kemu etela uunkundi wuuvu woshikakama”, Benhard ta tsikileko.

Damian Shuumbwa omutoloki gwomaudhano moNBC Oshiwambo okwa ti pamwe ota shi ka pula uuyuni omimvo odhindji komeho opo ku ka monike omudhengingonyo ena uukwatya wafa wa Ali mboka wa pumba noonkondo.

Okwa ulike kutya Ali nando a dhengwa iikando ine muudhano 57 ina dhengwa nando olumwe eta gwile pevi.

Ota dhimbulukwa olugodhi lwe na George Foreman moKinshasa sha Zaire ndoka lwa li lwa kwashilipalekwa kuMobutu Sese Seko omupangeli gwa Zaire nale ndoka lwa li lwa talika kuuyuni auhe.

Ali okwa li adhenge noku gwitha po Geoge Foreman mo 30 Kotomba 1974 pokapale ha ki ithanwa nale 20th of May Stadium, puudhano wali wa kalwa kaantu yethike po 60 000, nuudhano mbuka owa li wa pewa oshilukadhina “The Rumble in the jungle’ Shuumbwa ta ti.

Kombinga ya Stephen Keshi Shuumbwa okwa ti Keshi oye omudhani omutiyali muAfrica okusindana ekopi lyiigwana yaAfrica ongo omudhani nolutiyali ongo omudheuli.

Keshi okwa li asindana ekopi lyiigwana yaAfrica ongo omudhani mo 1994, nongomudheuli mo 2014 shoka sha pumba noonkondo.

Hafeni Asino omutoloki gwomawudhano koNooli ota hokolola Ali, ongo omukwiita oshoka okwa li gumwe gwometanga lyegameno lyAmerica yongundu ndjoka ya li ya tindi oku ka kondja ko kiita yaVietnam.

Stephen Keshi okwa li ena ewi etalala, eso lye olyo ekanitho enene komaudhano muaAfrica.

Keshi opo ashike aadhika a pewa okondalaka kosipana yoOrlando Pirates yaSouth Africa ongo omudheuli.

Oye gumwe ali a kwathele oshilongo Togo shi mone ompito yokuya kekopi lyiigwana yaAfrica nando ya li yemutidha manga inaa ya ya kekopi lyuuyuni.

Okwa li shili ta hedhitha ondondo yuudhano muAfrica pombanda, eso lye olye ya kuyele unene oshoka Africa okwa li ena oshindji okutekamo muye. Asino tati.

Omalongekidho gefumbiko lya Stephen Keshi kage shiwike natango, Ali ota fumvikwa nena poKFC Yum Center mo Louiseville sha Kentucky .

 

Legends-2

LEAVE A REPLY

Please enter your comment!
Please enter your name here