Onda valwa enyakwa, Ambunda ita gumu ndje –Flores

0
392
Onda valwa enyakwa, Ambunda ita gumu ndje –Flores

 

Windhoek-Mokuthika kwe moVenduka Etiyali oshiwike shika enyakwa mondjundo yehangano lyoongonyo muuyuni lyoWBA SuperBantamweight, Moises”Chucky’ Flores ngoka ta ka kondja na Paulus “ The Rock” Ambunda Olyomakaya okwa ti ye okwe endela iilonga.

Omvalele yaMeksiko otayi ka palamena omuna gwaNamibia ngoka oye enyakwa lyondjundo yo SuperBantamweight mehangano lyoongonyo muuyuni lyo International Boxing Organisation [IBO].

Ambunda okwa tegelela neitulemo okuya molugodhi na Flores ndoka talu ka hanganitha omapaya ngaka gaali gomalutu guudhengingonyo lyo WBA/IBO,polugodhi lwawo Olyomakaya ndjika poshinyanga shaRamatex moVenduka.

Sho a popitha iikundaneki poshigongi shoku mu taamba, Flores okwa uvaneke kutya ota ka kondja olugodhi oluwanawa kaaholi yuudhano woongonyo, nokwa londodha Ambunda kutya oshiwanawa nguka a kale iilongekidha oshoka  oku mu nine oshiholekwa.

“ Ondi idheula nawa noonkondo molwolugodhi nduka nopethimbo ndika ngame ondi uvite nawa kombinga yendjango lyandje. Shoka ndishi osho shoka kutya ngame onde ya mpaka okusindana po epaya ndyoka onkene Ambunda na kale iilongekidha okulwa mOlyomakaya”.

“Otalu ka kala olugodhi lumwe oluwanawa ndoka aaNamibia taya ka mona sigo oompaka no tandi ka ulika shoka ngame handi ningi uuna tandi kondjele oshishani. Ngame onda valwa enyakwa notandi kala enyakwa konima yolugodhi lwOlyomakaya” osho Flores keena mbudhi a popi i itegelela.

Olugodhi nduka olwa li lu na oku kalako momasiku gaheyali gomwedhi gwayi  ndele olwa li lwa kalekwa konima sho Ambunda a li iiyehameke pethimbo lyokwi idheula.

Uutikete okuya kolugodhi otawu gu ooN$500 kaasimani omanga woshigwana ashihe owo ooN$100. Nenge oshitaafula shaantu yasimana shimwe otashi futilwa ooN$20 000. Uutikete otawu adhika poComputicket oshilongo ashihe.

LEAVE A REPLY

Please enter your comment!
Please enter your name here