Oopate nadhi lukwe dho nadhi tulwe momisholondondo

0
288
Omupevi Minista James Sankwasa  pethimbo a li ta popitha aakwashigwana yomOhangwena mokudhimbulukwa Esiku lyAfrika.

 

EENHANA – Omupevi Minista mUuministeli wIilonga nIiyenditho James Sankwasa okwa pula ookansela pamwe nomawiliko giikandjohogololo, opo ya gandje omathaneko goondjila ndhoka ya hala dha tungwa.

Sankwasa okwa ti oondjila ndhoka mbaka ya hala dhi tungwe nadhi lukwe omadhina go omathaneko gadho taga gandjwa kolutu ndoka lu lile po okutunga oopate, opo ndhika dhi wa pe okukongelwa iimaliwa dho dhi tungwe noku longwa mbala uuna dha ziminwa.

Omupevi Minista ndhika okwe dhi popi omwedhi gwa yi pethimbo a popitha aakwashigwana pomukunda Oipyaiwa moshikandjohogololo Eenhana, moku dhimbulukwa Esiku lya Afrika.

“Otwa taalelwa unene keshongo lyompumbwe yoopate moshilongo, ashike uuministeli wetu owi ilongekidha oku tunga oopate miitopolwa niitopolwa ngaashi tashi vulika, nonande otuna okulandula omilandu ndhoka dha tulwapo, opo aakwashigwana yetu ye ende ya manguluka, yo ya vule ya adhe komahala nomahala ngele taya kongo oompumbwe dhawo,” Sankwasa ta ti.

Ta gwedhapo kutya oopate odha simana oshoka ngele kadhi po nena omahumokomeho kiitopolwa nago itaga thikiko nuupu, otaga hulile owala  ondjilakati. Uuministeli owuna omathaneko okutunga opate ndjoka ya kwatakanitha iitopolwa ngaashi Ohangwena, Oshikoto oshowo Kavango Uninginino, a ti ndjika ngele ya piti otayi ka kwatakanitha iitopolwa mbika yo aakwashigwana taya kala taya taaguluka nuupu.  Oya hala opo ya pupaleke omalweendo gaakwashigwana yo taya kala taya kongo omayakulo gawo nuupu, ko ku fupipikwe oondjila oonde ndhoka haya ende ngashingeyi.

Omupevi minista okwali a pula aakwashigwana ya hangane yo ya longe muukumwe opo ya adhe omasindano mu kehe shoka taya ningi, ta ti opuna omashongo ogendji ge ya taalela ashike ngaka otaga ka sindika. Ta kumike aakwashigwana ya kondjithe onkalo yuukwamuhoko oshowo okatongotongo, yo ya kale omuntu gumwe naNamibia limwe.

Okwa indile aagundjuka ya kambadhale ya yambulepo oonkalamwenyo dhawo yo ya kale ye shi kutya emanguluko ndyoka tali tyapulwa nena olya pitila metiko lyombinzi. Okwa pula wo aanaskola mboka yali ya holoka kesiku lya Afrika opo yi itule mo melongo lyawo, opo ya ka kwathele mehumokomeho moshilongo.

“Ehumokomeho iha li ya owala uule wesiku limwe, aakwashigwana oyena oku tu pa omathaaneko tse tu ga tule miilonga ashike opena oondondo nomilandu ndhoka tuna okulandula, tu longeleni kumwe moku eta ehumokomeho miikandjohogololo tse inatu kala owala twa tala omeho kepangelo tse itaatu longo sha, shino otashi tu kwatha opo tu tsakaneni mwaayihe tatu lalakanene,” Sankwasa ta gwedhapo.

 

LEAVE A REPLY

Please enter your comment!
Please enter your name here