Veli 22 va xupa moiponga ivali yoituwa …Umwe okwa xulifa, umwe okuli monghalo ii, vatatu ova tekauka… 

0
400

 

ONGWEDIVA – Ovanhu 12 ova aluka mefyo eshi okabesa omo vali keli denga meloli. Vane vomovanhu ovo va li mokabesa ova mona oiponga, mwa kwatelwa omushingi wokabesa oo ta ku hokololwa e li mongalo ii.

Ouyelele oo wa yandjwa kuKomishina wopedu moshitukulwa shaShikoto Deputy Commissioner Naomi Katjiua, omushingi wokabesa kokaQuantum konomola yoN147-906W okwa nyengwa okupangela osheendifo shaye, ndele teke li denga mekoto leloli olo la li la yuka kOmuthiya. Okabesa koo oka li taka dilile kombinga yokoushimba.

Ovatwaalelwa vavali ova teka omaulu, omanga umwe a mona oshiponga komutwe. Ovo va mona oiponga ova twalwa koshipangelo kOmuthia meendelelo. Oshiningwanima eshi osha ningwa mEtitatu loshivike eshi, sha ningilwa mOputsegwondjamba.

Moshiningwanima shimwe vali, omunhu umwe okwa xulifa, eshi oshihauto omo a li sha tokoka elola nokukandoma. Mohauto omo omwali ovanhu vahetatu. Otaku hokolowa oshiningwanima eshi nasho sha ningwa mEtitatu omo tuu omo, sha ningilwa pomukunda Ontana, mOshitukulwa shaShikoto, kokapate oko keli pokati kOnyati nOnghumbula.

Nakusa oye Peneyambako Kaulungenwa (48) adja momukunda Omandi. Omushingi wotuwa yoGWM, novatwalelwa va hamano ova mona ouponga vanini, no va twalwa  kokapangelo kOkankolo.

Lwopokati opo opa kundanwa vali omulumenhu womido 34 Ananias Uukongo a xulifa konima eshi eli mangeleka, natango mEtitatu omo tuu omo. Ota ku hokololwa nakusa ou a dile komukunda Edhiya moshitukulwa shaNyaanya, vati a hangwa a fila monduda yamumwainamati omo eli mangelekela nongodi yolusheno. Katjiua okwa ti Uukongo ina fiya po okambapila taka popi kutya omolwshike eli kufila omwenyo, novakwapata vaye ova lombwelwa nale oshiningwanima eshi.

 

 

 

LEAVE A REPLY

Please enter your comment!
Please enter your name here