Ya geya sho omufekelwa medhipago iifutile modholongo

0
245

ONGWEDIVA –Aakwashigwana mOmuthiya noshowo aakwanezimo yokanona kokakadhona komivo 13 oya geyela ompangu sho ya gandja opo omulumentu ngoka ta ku fekelwa kutya oye eka dhipaga noku ka kwata koonkndo a pewa iifutle modholongo noshimaliwa shi thike poN$1000.

Oku egululwa mo komufekelwa nguka okwa uvitha nayi aakwanezimo lyomunona ngoka, naambaka oya thaneka oku ka ninga ehololo lyomadhiladhilo kombinga yoshinima shika.

Omufekelwa okwa kwatele omunona nguka koonkondo noku mu dhipaga muKotoba omumvo gwa zi ko momukunda gu li moshikandjohogololo Omuthiya. Nakufekelwa okwa li omusita gwiikombo yaandjawo yomunona ngoka pethimbo a longo omuyonena nguka.

Simon Shikongo hegona yanakusa Menette Tulela Shikongo okwa ti oshiningwanima shika nonando osha ningwa muKotoba omumvo gwa yi natango oshitalala, ihe omutamanekwa nguka okwa za mo nale mondholongo.

Shikongo okwa ti otashi ehameke noonkondo oku mona omuntu a longa oshikulumuna shi nyanyalitha eta kutha omuntu omwenyo ndele natango ota monika ta ende a manguluka.

Omolwa shika ofamilia ndjoka kumwe naanamukunda noshowo aanasikola mboka yali haya sikola pamwe na nakusa oya tokola oku ulika nokuholola omaiyuvo guukwawo wanankali mesiku lyOmunona omuAfrika 16 gaJuni.

“Shika otashi uvitha nayi noonkondo, unene tuu omuntu sho a pewa omboloha yooN$1 000, shika otashi ehameke noonkono na  ngashingeyi otatu ka holola omaiyuvo getu  noku fala omakemo etu  ku kansela gwoshikandjohogololo Omuthiya.” Shikongo ati ngaaka.

Shikongo okwa hokoloa kutya yinakulu ya nakusa sigo one oku li moshipangelo okuza ashike poosa dho mutekulu gwe nguka.

Yinakulu ya nakusa okuli moshipangelo a yi mo molwehaluko oku uva oshiponga shoka. “ Ihe meme ngele okwa uvu ishewe kutya nguka okuli kondje yondholongo ngashingeyi nena ota ka uva nayi nuuvu we otawu tsikile nonande pethimbo ndika okuli hwepo,” omupambele ati ngaka.

Okwa tsikileko ta ti  naanasikola pamwe na nakusa oye na wo uumbanda okuya kosikola oshoka omulongi gwoshikumitha longa okwa galukila moshitopolwa .

Shikongo okwa ti nakusa nguka okwali i itsuwa kaalithi yiimuna a sa nale ye a longelwa omunyonena.

Omanga omuniilonga gwaandjawo nguka aya megumbo moka a adhika a teleka ombiga yomakoloni .

 

 

 

 

LEAVE A REPLY

Please enter your comment!
Please enter your name here