Angola adhengwa mo moCOSAFA

0
211

Ospana yopashigwana yaAngola oya kumitha oyendji konima sho sigo oompaka inaa yi mona nando esindano muudhano woCOSAFA Castle Cup mboka wu li metifa moshilandopangelo.

Angola okwa li a dhengwa muudhano we wotango ku Malawi 3-0 pokapale kEmanguluko na okwa li a dhengwa ishewe kospana yaLesotho 2-0 muudhano we uutiyali.

Iizemo mbika ota yi ti Angola kena we ompito yoku tsikila mekopi ndika oshoka muudhano wa hupako  ita ka vula we okumona mo iitsa ya gwana oku mu fala komeho.

Lesotho oku li pombanda yongundu B moka muna Angola moka eli nale iilikolela iitsa ihamano na oye  atula mo ookoola odhindji e vule Malawi ngoka naye ena iitsa yi thike pwaa mbyoka ye ano ihamano ashike okuna ookoola ooshona.

Mongundu ya A Swaziland, Madagascar oya tegelela uudhano wa hugunina opo yamone kutya olye ta yi kedhingoloko lyahugunina, ashike Zimbabwe ota ka pitila meyulu lyonane oshoka okuna ashike ompito yimwe ngele Swaziland na Madagascar oya dhana shithike pamwe 0-0 ,ashike okwa pumbwa okusindana nookola ntano nenge dhi vulepo.

Swaziland na Madagascar oyena kehe gumwe iitsa ine nongele oya dhana shithike pamwe ota ya kala owala niitsa itano naashika osho nee Zimbabwe a hala,ashike otashi ningwa oku pitila meyulu lyonane.

Namibia,Zambia,South Africa, Mozambique ota ya ka wayimina ethigathano ndika ongula.

Namibia ota ka ya mondambo na Botwana pokapale ka Sam Nujoma potundi 17:30 moka aaNamibia ya tegelelwa ya ka holoke pokapale momiyalu odhindji opo ya kwathele osipana yi mone ompito yoku gamenena po ekopi ndyoka ya li ya sindana omvula yaziko koSouth Africa.

DR Congo oye omuyenda muudhano mbuka konima sho Ghana oye ali omuyenda omvula yazako.

 

LEAVE A REPLY

Please enter your comment!
Please enter your name here