Ka sile meyemele lyotombo

0
498

ONGWEDIVA –Okanona kokamati komumvo gumwe netata okasi ombaadhilila sho kagwile meyemele li na otombo mEtitano lyoshiwike sha ziko.

Oshiningwanima shika osha holoka molukanda lwedhina Dolphin, momukunda Okathima ka Nangolo moshikandjohogololo shaKalongo moshitopolwa shaMusati.

Uuyelele wa gandjwa kopolisi owa ti okanona haka oka gwile meyemele lyotombo omanga kali metonatelo lya yinakulu.

Okwa hokololwa kutya nakusa Antonia Timoteus Amunyela,  okwa li eli na yinakulu kokefe[ pokandingosho], ndele ta kala ta dhana pondje omanga yinakulu eli meni lyokefe.

Okuza mpoka yinakulu anuwa okwa zi po etayi pokandingosho popepi nondunda ye sho a galuka okwa adha nale omutekulu gwe eli kohi yotombo mongoma moka.

Oshiningwanima shika osha holoka potundi onti14h00 yomutenya. Moshiningwanima kwaashika moshitopolwa shErongo metitano omo tuu moka potundi ombali yomutenya omulumentu gwomimvo 21 ngoka ali omugameni gwomaliko okwi iyaha nondjembo eta si.

Liseli Silenge okwa li omugameni gwomaliko gwehangano Shimwe Enterprise Security Company mOmaruru .

Etompelo oku ikutha omwenyo kali shiwike oshoka ina thigapo oka mbapila kutya oshike she mu idhipagitha.

Aapambele ye oya tseyithilwa nale nomakonaakono gopolisi moshinima shika otaga tsikile.

LEAVE A REPLY

Please enter your comment!
Please enter your name here