Kansela Nambondi a gandja iikutu kaanaskola

0
246
Kansela Nambondi a thikama mokati kaanona yoposikola  Omundunda pethimbo a li e ye etele omizalo oshiwike shayi,

 

OMUNDUNDA – Kansela gwoshikandjohogololo Okankolo Hans Nambondi okwa gandja oonguwo kaalongwa posikola pOmundunda oshiwike shayi.

Osikola ndjoka Omundunda opo ya totwa po nuumvo no yi na aalongwa yeli 62, okutameka pokinda sigo ondondo ontiyali. Molwaashoka pethimbo ndika osikola ka yi na omuzalo gosikola, aanaskola oha ye ya owala niikutu yopaumwene manga taya kongo omuzalo gosikola.

Kansela okwe shi yelitha kutya okwali a talelepo osikola ndjika nokwa mono kutya aanona oyena onkayi ondhigu. “Ondali nda tokola opo ndi kongele aanona mbaka oonguwo yo yi ikwathele ngaa ya kale taya zala mo manga ta yayi kenongelo lyawo, mokutala onkalo oshili otayi etitha ohenda oshoka hamuvali kehe nenge omutekuli gokanona ta vulu okulanda iikutu ethimbo kehe, uunona wumwe onda adhele wuna iikutu ya tuuka, yo oya luudha noonkondo,” Nambondi ta ti.

Ta gwedhapo kutya shino okwali eshi ningi nelalakano lyoku kwathela  molwaashoka omunwe gumwe ihagu itombola ona. Ta indile mboka yena omakwatho ya kwathele mboka kaa yena yo ya vule okuhuma komeho.

“Muunona moka omo muna aawiliki mepangelo monakuyiwa , oondohotola oshowo aaniilonga aanene moomvula tadhiya, nowa pumbwa okupewa elongo wo tawu kwathelwa mpoka wa pumbwa okukwathelwa, oshoka aavali yamwe itaya vulu oku gandja omakwatho ngoka aanona yawo ya pumbwa,,” ta gwedhapo.

Aavali naalongi oyali ya gongala posikola mpoka opo ya ninge oombangi  sho aanona yawo taya pewa iikutu. Meme Tulela Ananias gumwe gwomaavali , sho a popi peha lyaavali ooyakwawo, okwa  pandula unene kansela gwawo ngoka a mono kutya osho opala opo a kwathele aaleli mboka yokomongula.

Ananias ta ti osha pumbiwa opo aakwashigwana ya mone kutya aaleli yawo otaya longo shike moshigwana. “kansela gwetu okwa gandja oshiholelwa oshiwanawa notandi indile ookansela dhimwe dhi kuthe oshiholelwa shika oshiwanawa, dho dhi gandje moshigwana , otatu pandula woo epangelo sho lyetu etele osikola popepi naanona yetu otaya yi komanongelo ya manguluka ngaashingeyi,” ta tsikileko ngaaka.

Omukuluntusikola pOmundunda Lukas Shigwedha naye okwa pandula kansela Nambodi, ngono a gandja iikutu ta gwedhapo kutya omolwa ompumbwe aanona yamwe oya kala ha ye ya kosikola niikutu ya kulupa noonkondo. Ta ti molwa uupe wosikola yawo, natango ohaya longele owala momatsali ngono ga dhikwa kaavali yoyene, ta ti aanona oyi itulamo melongo , no ihaya faula. “Aavali yaanona mbaka oyi itulamo melongo lyaanona yawo, nuuna twa hiya oshigongi ohaya holoka, nokuna omukumo kutya osikola yawo otayi ka koka nawa nokugandja iizemo tayi shambula.

 

LEAVE A REPLY

Please enter your comment!
Please enter your name here