Omatuwa 131 moiponga mOhangwena

0
275

OHANGWENA –Omatuwa eli 131 mOhangwena okwa ya moiponga okudja kuJanuali fiyo Juni neudo. Moituwa oyo oya li ya ya moiponga ili 112, omwa kanena eemwenyo dovanhu vavali, nomwa lemanena ovanhu 27, ofimbo 25 va mona ouponga vanini.

Omushangwahokololo ou owa yandjwa kOmupopiliko wo Polifi moshitukulwa shaHangwena Shisante Kaume Itumba.

Shisante Itumba ta holola kutya oiponga ya ningilwa koteya, ihapu oya etifwa kouhasha wovashingi. Vamwe ihava tale komafano, vamwe ohava shingi onhapo ya pitilila. Ovashingi vamwe ove lidenga moimuna, movanhu ilo mokuhenuka veke li denga momiti nosha etifa omakandomo.

Oiponga ikwao oya etifwa kovashingi va nwa. Nopolifi otai kumaida kutya itai ka efa vali omushingi ta ulike a kolwa a ye ina fudila mokashina.Omufekelwa moukolwe keshe oku na kutwalwa aka kufwe ohonde koshipangelo nopolifi oi na oufemba wokufininika ou ite shi itavele. Onghee Itumba okwa kumaida ovashingi va shendje omikalo davo okutala etuwa manga ina ya molweendo omataiyela, omalamba nosho tuu.

Shisante Itumba okwa weda po kutya, omushingi keshe a deulwa oku na kutala etuwa manga ina a shinga, omataiyela, eelamba, momutwe wetuwa ngee aishe oi li nawa. Opolifi oya didilika ovashingi vomatuwa vamwe tava shingilile, tava fiyafana po, itave luufa keeveta meendjla, itava tale omafano. Imwe yomoiponga oya etifwa konhapo ya pitilila ilo okupitilila omatuwa mahapu omanga omushingi e he we te  komesho.

Okwa yandja  oshihopaenenwa shovashingi vamwe shamha ina mona oshiponga ova faduka po. Opolifi otai kumaida ovashingi ngee wa i moshiponga, kwatafana nopolifi  diva manga ino dja po. Ngee ope na omunhu a mona oshiponga na kongelwe ekwafo lomeendelelo. Ngee owa li moshiponga ndee ino lopotela opolifi ohashi talika oshiponga sha fa showina. Ngee omushingi okuli monghalo yii ava ve li po nava shiivifile opolifi. Opolifi nokoitukulwa ikwao yoshilongo oya kunghilila ovashingi va shinge noshisho opo tu xupife eemwenyo.

 

 

LEAVE A REPLY

Please enter your comment!
Please enter your name here