Ovashingi veemhota va shambula ovaLiindili

0
238
Eemota novashingi vado va fikama po Waterfront vateelela vatwale omilongelo yovakulupe, komaumbo ovakulupe moLüderitz.

 

LÜDERITZ – Ovashingi veemota koshi yehangano Lüderitz Diamond Run, melongelo kumwe noSchutztruppe ovali va ya modoolopa yaLüderitz Olomakaya ladja ko.

Ovashingi ava neemota davo va fika lwopo 147 lwaapo, vamwe ovadja poushiinda poSouth Africa, omanga vamwe va dja moitopolwa ya yooloka moNamibia, ova li tava shingi eemota nounyakwa momapandavanda nomomalila omodoolopa yaLüderitz.

Opolifi yomeendjila oyali lela ya tonatela ondjila pefimbo ovashingi veemota tava shingi nounyakwa nokushambula ovakalimo vomo doolopa ovo vali va ngudumana nokutala eemhota eshi tadi uulu.

Oshiindingili sholudi eli ohashi ningwa konyala odula keshe, noneudo eshi, otashi ningwa oshikando oshi ti 10 lwaapo. Oshiindingili ohashi kala alushe poLüderitz Yacht Club.

Omuunganeki woshiindingili Maritza Morgan okwa tumbula kutya ovashingi veemota elalakano lavo okuuya va shinge eemhota moLüderitz, ohave uya vena omilongelo dovakulupe ovo veli momaumbo ovakulupe avali moLüderitz.

Keshe odula ngee ovashingi veemota tave uya modoolopa ohava twaalele ovakulupe ovo, omilongelo yakola.

Odula yoneudo, Olomakaya ladjako eshi vali mo doolopa, ovashingi veemhota ova li va shinga okuya tete keumbo lovakulupe olo lili kolukanda laNautilus.

Meumbo omo omuna ovakulupe veli omulongo, nomukulupe keshe okwa pewa omaano eli mokapakete noshimaliwa keemhuma shee N$1000.

Okudja kolukanda laNautilus, eemota oda shingwa okuya keumbo lovakulupe olo lili mo doolopa muna ashike ovakulupe va vali. Ovakulupe ava navo yoo ovapewa naana ngashi vakwao, keshe umwe okapakete neeN$1000.

Oshimaliwa ashishe kumwe shifike  pee N$12 000, osha pewa ovakulupe ovo veli momaumbo ovakulupe efiku olo.

Kansela melelo lodoolopa ya Lüderitz, Shipola Shihepo, okwa tambulako ova shingi veemota. Te va pandula eshi alushe vena ovakulupe vo modoolopa ya Lüderitz komutima. Shihepo teva indile noku va kumika opo  va twikile noku yakula ovakulupe pamukalo woludi olo.

 

 

LEAVE A REPLY

Please enter your comment!
Please enter your name here