TUYENI KOLUPALE LA TUYENI: Etumwalaka lovanadolongo aveshe moshilongo

0
292

 

Ovaidililwa meedolongo, ohashi kala unene onghenda ya kula moshiwana shetu eshi oonakudala vamwe moshilongo vapangula omaludalo avo omolwa oikoya oyo yaninga ihai dulu oku lidiinikilwa kepangelo nokeeveta doshilongo shetu.

Ame onda koneka nondina eshiivo kutya meedolongo doshilongo shetu omuna ovalongi voikulumuna ya shiyako ndele naava va longa oikoya yopokati omo veli. Nye tamu dimbulukwa yo kutya naava valundilwa oinima yakula navo omo vatulwa mumwe navakwao omo.

Vamwameme  nye ne ava mwa idililwa, she ava tuli pondje otwe shi koneka nawa kutya odolongo oya keshe umwe eli moshilongo taka longa osho inashi pandika kepangelo, ashike shindimbulukweni kutya oshiwana sha namibia mwakwatelwa oonakudala veni oshimuhole, ashike oshili ovanhu kave hole oilonga ei mwa longa.

Natango onda koneka meendolongo detu doshilongo hamu kala ovo vapewa omahandukilo avo, ndele nokonima ngeenge va di mo ohava kaninga vali ovafita vamwe tave li ufana nokuli kutya ovadalululwa molwaashi okwali valonga oiningwanima yakula oyo yekevapefa  omahandukilo.

Heeno oshili omwa dalululwa vaholike, ashike onghenda yange nolukeno olili ne apa kutya, ngeno oilonga ei oyo mwa tamekele nayo tete ngeno otashi ka kala ehafo lakula meulu, omaludalo eni aa mwadala oshili itaa dulu nande okushikula meemhadi deni omu mwaenda nonande monena vamwe vomunye tamu luufana ovafita vomaongalo osheshi omwaenda momufitu una efululu mo omuna eenghoshi daakama mokanya, onghe oshiwana shokomongula otashi dulu okulikapo ngeenge oshalambalalamo.

Ame ondishishi kutya kombada yedu kakuna epangulo onghee ovanhu aveshe otwa teelela epangulo letu lili meulu, kashina    ne kutya okwa li ho yandje eeveta kombada yedu, eshi shilipo osheshi kutya outendo vomeulu inava fa vokombada yedu, sha hala okutya naava tamu pangula oipupulu vakweni kombada yedu,  vamwe tamu va lundile nokuli she likolelela komishangwa odo mwe li honga, onye tamu ka handukilwa tete meulu inamu dimbwa.

Ngeenge owa talelepo eedolongo doshilongo shetu, oshili odiyadi nayi ngomunhu oto hale nokuli utye napamwe ovanhu oveli moshekondele vakalela nande elongo, ohandikala ne handi lipula kutya, mbela oshili opena ngo efiku tali ke yako ndele tadi ka yaduluka ngo ngaha?

Kalunga kange! vakwetu ovanaveta ovo hamuufanwa takuti eepolokoliyela, vakwetu oshili omwa longwa ne nawa ashike oshili momitima deni kamuna nande omhepo youyuki noukiliste punye kaupo Kalunga keni mbela oikutu oo ilaula hamu djala, mbela oshike ndina okutya ngaho, osheshi ovanhu vahapu veli meedolongo onye mwe va mangifa mwakalelapo ava vena oimaliwa nye tamu tameke ne tamu lundile.

Nghee ngo to tumwa kofikola, oto tumwa uke lilongele oipupupulu uuye ulundile ovanhu vatumwe keendolongo, ha shalongo shange nokuli moshilongo shetu muhena ohake ngeno hanye ashike tamu dipaifa ovanhu ngaho, meulu nanye kamu monamo onhele ngeenge ovanadolongo itava imo kapena ou ena oshili punye opo.

Oilonga yokombada yedu otaikunyenge, ilo ngo nditye yomoshilongo shetu omu tuli nokuli, osheshi oilonga ei hailongwa koonakumonika odjo meeveta doshilongo shetu, natango oyo ngo hailongwa koonakutokola naavo havamono vakwao kutya naimboli ovakaula onyanga navamonike ondjo, onghe otashi ulike kutya oukwashili moshilongo shetu otau nyangwa nyangwa.

Odolongo yoovene kaishi nande oshinima shafimana, sho osho uwete vamwe ava vadjamo kwali vapewa omahandukilo eshi hatupopi ngaha ovashuna omutwe moipeta ngeenge tashiya pokukaula onyanga.

Oto hange nee omunhu ta popi ta ti, ohandi pandula Kalunga molwaashi eshi dadja modolongo omo paife nOmbibeli ohandi lesha nawa, ame noxo onda djamo hai ke li longela ofikola youfita onghe paife eshi handi monika  ngaha ame okaana kape dalululwa nokongeleka paife ihandifaula nande nande.

Vaholike, eendaka dili ngaha kadishi nande okupwiilikinwa koshiwana shokomongula, osheshi ovanandunge meendunge dixupi ngeenge ove wete omunhu tapopi ngaha, otave lipula mutu kutya onghalamwenyo iwa ongeenge mutu weke li hela modolongo ove todimo to lesha Ombibeli nakupwe nokuya kongeleka omutenya noufiku.

Shiwana tamekeni okuninga oilonga iwa moshiwana noku wapaleka eendjila deni omanga inamu ka longa  oikoya nye mu monike ondjo noku pewa omahandukilo nye tamu lesha vali EembIbeli nakupwe tamu dilile komadiki omazulo nghalo, onghe oshiwana efimbo limwe ngeenge shimu wete muli komesho yasho, ohashi longifa oshilaka tya tashiti, eyoka ihalipu oudiyo, ame opo ondemu vakelako tu.

Oto dulu ashike okudalululwa nonande ino tetekela nokulonga oilonga yapuka moshiwana, osheshi natango otuna ovafita novaleshi vEembibeli nakupwe ndele vo inavekelihela manga oko mwa ka dingonoka, ashike nafiyo onena otava longo oilonga ei ya fimana moshiwana,onda hala yo ndimu dimbulukife kutya, Ombibeli ne ei hamu lesha omwa shangwa takuti, konima yombila kakuna elidilululo, hano pomapandja amwe ohamupitipo ashike inamu leshapo vaholike?

Nandi mu yolife ne manga nehokololo lange mwene lo oloshili, mo 1994 ondali nda kwatwa ndele handii modolongo molwaashi okwa li nda longa osho inashi pumbiwa kepangelo, okwali nda ningamo eemwedi 12,ashike okwali nde lilonga okwaalikana oufiku nomutenya nefimbo limwe nokuli aame kwali ndi hole okuningila vakwetu eahandaxa longula, handi tumu yo keumbo kumeme kutya na tuminenge Ombibeli yaye.

Oyo odula delilonga okulesha Ombibeli nawa, na okwali nda koneke mo nokuli omaalikano amwe taa ti, naku mangwa wehena etimba ouna okumangululwa efiku lomomafiku, okwali ne ndi hole okwaalikanena vakwetu ngaho, efiku ngo dadja modolongo olo ngo efiku nomaalikano aa kwali handi alikana modolongo daa dimbwa, Ombibeli yovanhu yameme ondei dimbwamo yo okwa li ngoo hai nangala komitwe dange.

Oshinima eshi konima yefimbo eshi papita eedula,osha kala ne shi li mouluvi wange noku lipula kutya mbela oshike kwa li hashi leshifange Ombiibeli nai efimbo linya eshi dali modolongo, nenyamukulo olekeya ne mouluvi wange papita vali eedula 6, olo taliti, naimboli oshinima eshi kwali tashi leshifange Ombiibeli mwinya, oumbada wodolongo na okwa li ndatila molwaashi okwa li ndiwete ndili monghalo ya satana, ame nda dimbwa oilonga ei kwali nda longa.

Oshinima shi li ngaha itashi ulike ndina omhepo youkiliste shili momutima wange nande aayee, ashike ame okwa li ashike nda dimbulukwa kutya efiku lodula tailoko ame opo handipalele eenduda dange dihaye omeya meni, hano ndaninga efiku ndamona oudjuu olo fiku nde lilonga Tate yetu uli meulu.

Ndishi monena moshiwana shetu omuna ashike ovanhu veli longa oku alikana nakupwe efiku vena omadjuu, mmm Kalunga naye ote keya ngo okunyamukula shifike poule womafiku aa wakalako, ove tokamona ne Kalunga akalako molwaashi owa lulilwa komaudjuu nokomikundu odo diku kwete.

Shiwana, ngeno naku ke lihela modolongo ngeno keshe omunhu puye napakale ngoo pena ondjodi tai ti, ndi heendemo tuu vali, molwaashi ou wee he shi okulila ovanhu oha vati shapo eenghali danyoko ino uda, ou wa wile outila ngo okulonda, ndele inamu teelela oukiliste weni uka tamekele nande meedolongo nande nande, konima yefimbo katukala ngo inatu katya shapo omwahala okututula mokatoo.

Omukalimo woko Indonesia okwa li atulwa modolongo mo1947 eshi kwali atela omboma moshikola oyo yedina Lavon school, okwa li ne mwafila ounona veli 215 novalongi veli 60, eshi aka kwatwa modolongo okwa ninga mo eedula 51,eshi adjamo okwa fikila ta totopo ongeleka yaye ko Chikilo okalongo keli kouninginino wa Indonesia.

Ashike otaku hokololwa kutya okwa kala ta fikola noku lilonga Ombiibeli omanga eli modolongo, otaku tiwa omufita ou okwa li haudifa nawa, vati taudifa ndele oto hale kutya neulu otali kulukile pedu otaku hokololwa vati kutya mongeleka yaye okwali hamu ongala ovanhu vefike po 4500,mefiku nolwanima oshiwana shimwe oshakauda kutya pastoli ou mboli oyouwinya kwali adipaya ounona vofikola mo 1947 ko Lavon school.

Eshi oshiwana shauda ne ngaho vamwe ova ka tameka taveli kufamo mongeleka ya pastor ou, vo vamwe ova tameka ngeenge taudifa navo otava ngungutula vali mumwe nomaudifo vo vamwe ta va nyengula noku nyongofola tava ti, eee oyee naana shili ota popi shike ne.

Va Namibia paife nandi mu pule ne, oshiwana eshi tashi likufa mongeleka omu oshapuka ilo napamwe oveli mondjila eshi tava yembe noku dimbulukwa kutya ou okwa dipayele oshiwana shokomongula shifike penya, ilo pamwe naava va hala okuninga ovafita vashili naashikule meemadi daye nomeendjila omu aenda?

Shiwana, olufo ladjako mehokololo la Menesiya na Mr Shiyelekeni omwali epulo tali ti, oshike shaetifa Menesiya adale okaana kehena xe oulai waye ilo oluhepo pamwe, ilo oumbala mbali wa Mr Shiyelekeni?

ENYAMUKULO…. Menesiya keshi elai ye navali okaana kaye okena xe ndele okwe ke likala ashike, eshi shanangifapo Menesiya ku Shiyelekeni, OLUHEPO, ole munwapo ondjumbu noku mu twala momilele inee di pumbwa nande kwali, nanye eshi mwa kala hamutele eemuku melimba, kokamwiyo omwa kala hamutulako oufima opo ndilyeko ndikwatwe, ndele itashi ti ne eshi ya yamo momwiyo oilayi shapo ondjala nekoto loye.

Vanadolongo amushe ava muli meedolongo omuna okudjamo meemhadi ditalala, ashike inamu teelela ne keemadi ku kale kwatuta nena, ndele otaku katuta efiku teya. Atushe otumuhole ndele katu hole ashike eshi mwaninga.

JOHN YA TUYENI

MRTUYENI76@GMAILA

 

LEAVE A REPLY

Please enter your comment!
Please enter your name here