Uudhano woonkambe pOnamatanga ta wu koko

0
296
Dhimwe dhomoonkambe ndhoka dha li ta dhi matuka methigathano lya dho pOnamatanga Olyomakaya ga yi.

ONAMATANGA-Engathithi enene olya li lya holoka pOnamatanga konyala  ookilometa 120 muuninginino wodoolopa yaKahao, oku ninga oombangi methigathano lyoonkambe ndyoka ha li kalako omumvo kehe.

Ontsi oya li ya tsima momeya sho aalumentu omilongo ndatu noonkambe dhawo ya li ya kondjithathana noku thigathanapo miinano ya yooloka okuninga shanamutango kesindano.

Shaanika Shilongo nonkambe ye Kafar oya li ya tsimike ontsi moshinano shoometa omathele gaali noku toolapo ehala lyotango moka yali ya pandulwa nokapandi ko N$ 500, Alumosho Tomas nonkambe ye Fox oya li ye ya pehala etiyali moka ya li ya sindana po oshipandi shooN$ 400.

Amwaama Johannes nonkambe ye Ben oyali ye ya pehala etitatu moka ali apewa okapandi ko N$ 300.

Moshinano shoometa eyuvi nomathele gahamano osha li sha sindanwa po ku Amwaama Paulus nokakambe ke Fox na oya li ya pandulwa nokapandi ko N$ 500, Amwaama Naftali nonkame ye mbambi oya li ya toolapo ehala etiya li moka ya li ya pewa okapandi ko N$ 400.

Amwaama Titus nonkambe ye James oya li ye ya pehala etitatu, moka ya li ya pewa okapandi ko N$ 300.

Alex Kefas .N oye omusindani gwoshinano sho 100m, shoka shali shina oonakana kwiiyela  ya tokola otoko, na otsi oya li ya tsima momeya.

Alex okwa li pandulwa wo noshipandi shoo N$ 500.

Onkambe ndjoka yina ondjokonona muudhano mbuka Putu oya li ya kangelwa oshikando shika na oya li ashike yakutha po ehala etiyali muudhano mbuka moka yo nomukayili gwayo Josua Akugulu ya li ya pewa oshipandi shooN$ 400.

Olupandu olunene olwa li lwa pewa onkambe Fox ndjoka yali ya nyanyudha  aatali oyendji no ya li ya pewa ekopi lyuudhano nokuninga omusindano gwuudhano mbuka nawa. Omusamane Mbishi Uushona oye a li a sindana po uudhano wokuumba uutati moka ali a holola kutya okwa li a kutha ombinga oomvula mbali dha landulathana.

 

 

LEAVE A REPLY

Please enter your comment!
Please enter your name here