Young Kasi ya pititha okangalo okatiyali

0
182

WindhoekOngundu yaahikingalo yatatu, Dre, Choice na Filly-zo, ya tseyika nedhina ayehe kumwe Young Kasi, osho ishewe ya pititha okangalo kawo okatiyali kedhina Eshito.Pinehas Nakaziko okwa kwatathana nongundu ndjika opo uuve kutya  yo oyi na po shike sigo oompaka ngele ta shiya komusika. Ngashingeyi ote tu kuthileko

Okangalo haka oka landula hoka yapitithile oomwedhi mbali dha piti, kedhina Odulaayi, nelalakano oku gandja oshipambu shoongalo dhawo ndhoka tadhi ka kala dha tegelelwa moalbuma yawo ontiyali yedhina Omilema, tayi ka pita lwopehulilo lyomvo nguka.

Gumwe gwomaa-imbi yongundu ndjika, Filly’zo, okwa ti ongalo ndjika otayi popi kombinga yiiningwanima yonkalo, notayi gandja omauyelele kaakwashigwana, opo ya kale ye holathane, yo kaaya ningathane nayi.

Okangalo haka komulyo gwoAfro-Pop ota kaka tamekwa okulilithwa nenge okupulakenwa mewangandjo kooradio adhihe moshilongo  okuza Omaandaha ngaka twa taalela.

Filly-zo okwa ti ku kehe ngoka ta ka kala a hala okupulakena oongalo adhihe ndhika mbali (Eshito nOdulaayi) nakale a dhengela koostudio dhooradio opo a kale eka dhanenwa, oshoka ngashingeyi ota ka adhika ashike koradio yOmulunga.

“Oalbuma yetu ndjika otayi ka kala yi na oongalo 15, notatu ka kala twa longa nomadhina omanene mehangano lyoongalo ngoka tatu ke ga tseyitha ashike komasiku gokomeho. Otwa hala ishewe tu ka kale twa hogololwa moNAMAs omvula tayi ya,” Filly-zo ta ti.

Kakele ashike kuungalo mbuka, ongundu ndjika oya dhiladhila yi ka kale ya pititha iizalomwa yawo mbyoka  tayi ka landithwa kombiliha ya shangwa edhina lyawo.

Ongundu yo Young Kasi oya tamekele oku imba oongalo dhayo manga yeli kosekundo sikola oomvula heyali dha kapita, niilyo yaadha pomugoyi. Omvula yazako oyali ya topoka niilyo iikwawo molwa omatompelo ga yoolokathana, eta ya thigala po yatatu.

Pehulilo lyomvula yaziko oyali nokuli yapititha oalbuma yawo yedhina Discount, ndjoka ya li yi na ehwata lyoongalo omulongo nahetatu  noyali ya taambiwako nawa koshigwana.

 

 

 

 

 

 

 

 

 

 

 

LEAVE A REPLY

Please enter your comment!
Please enter your name here