Aasita 14 mongerki yaELCIN ya yapulwa

0
1111
Methano otamu monika aasita mboka yali ya yapulwa nokulangekwa komagongalo hoka taya ka longela ya humbata omatati gawo.

 

OSHIGAMBO – Ongerki Onkwaevangeli paLuther moNamibia (ELCIN) oyali ya dhana oshituthiyapulo shaasita yeli 14. Eyapulo nelangeko ndika olya li lya ningwa kOmuwilikimbisofi Omundohotola Shekutamba V.V Nambala, sha ningilwa megongalo Oshigambo Osoondaha ya piti.

Eyapulo ndika lyaasita olya ningwa ngaaka oshikando oshiti-59 mongeleki ya ELCIN, poshituthi yapulo opwali pwa kalwa kAambisofi yeli moshipundi shevululuko, oshowo Omumbisofi gwoshikandjo shuuninginino Omundohotola Veiko Munyika, aasita yaza komagongalo ga yooloka oshowo aakwanegongalo oya gongala ya tyapule eyapulo ndika.

Aasita mboka omulongo nayane (14) oya kala taya nongekwa kenongelo lyaasita koPaulinum uule woomvula ne(4).  Omundohotola Nambala pethimbo ta yapula aasita mbaka aape okwe ya indile opo ya ka longe oshilonga shoka noonkondo, yo ya kwathe mokugalula oonzi dhOmuwa ndhoka dha kana.

“Otandi mu indile montaneho yaakwanegongalo naayehe ya gongala nena mpaka opo mu longe nuudhiginini oshilonga shika shuusita woonzi, kaleni aluhe mwa kola meitaalo, one omwa longo nuudhiginini sigo mwa mana omanongelo geni nongaashingeyi otamu ganithilwa miilonga, indeni ano mu ka uvithe noku taandelitha evaangeli, ne tamu kala aapiya yOmuwa,” Omundohotola Nambala ta ti ngaaka.

Elongelokalunga Osoondaha ndjoka olya li lya ningwa ku Josephina Shivolo na Sarti Iipinge yamwe yOmaasita mboka ya yapulwa esiku ndyo, omanga euvitho lya ningwa ku Natan Shihepo naye gumwe gOmaasita mboka ya yapulilwa oshilonga.

Maasita mboka 14 ya yapulwa omuna aalumentu 11 omanga aakiintu yeli 3.  Aasita mboka ya yapulwa oyali woo ya langekwa esiku ndyoka kiikandjongerki oshowo komagongalo hoka taya ka longela, noya tegelelwa ya ka tameke iilonga mesiku lyotango (1 Juli 2016).

Omunotari Alpo Enkono okwali a tseyitha kutya iikandjo ayihe shuuzilo noshuuninginino oya pewa aasita yatano kehe. Omanga aasita yatatu taya ka longela kuuMinisteli wEgameno omanga gumwe taka longa kwamboka wEzulonkalo kOshikondo shoondholongo.

Aasita mboka ya yapulwa noku langekwa oyo  Fillepus Alweendo (Ekoka), David Petrus ( Opyamukuyu), Asser Shivute (Iihongo), Josephina Shivolo (Onyeka), Aloisius Shimbome (Iipanda), Petrus Sheefeni (Omuhongo), Wilhelm Mulundu( Ohalushu), Venolia Kamanya (Sauyemwa), Sarti Iipinge ( Onangholo),Sem Shafoihuna Hefikwa (Amen). Pendukeni Shivute , Simeon Simon na Jeremia Haikwiyu ya langekwa ketanga lyegameno omanga Natan Shihepo eli kezulonkalo koshikondo shoondholongo.

Okwali kwa ningwa ezaleko kaasita aape, oyali woo ya pewa omagano kUuministeli wetanga lyegameno ngono ga gandjwa kOmusita kehe ku meme Nangula Kathindi. Ongundulwiimbo yegongalo Oshigambo oshowo Jaakko Kangai odho dhali tadhi mwenyeke oshiindingili.

 

 

 

LEAVE A REPLY

Please enter your comment!
Please enter your name here