COSDEC a deula ovanangeshefa vanini 

0
268
Mefano omuna ovakufimbinga momadeulo ounangeshefa, omwukwateli komesho wo COSDEC mo Lüderitz Suzan Ndjaleka  eli kolumosho, na Janet Hoffman ou ali ta yandje omadeulo ta monika eli konima.       

Lüderitz – Ovanangeshefa vanini hava landifa okapana nove li oilyo yoNISO Namibia Informal Sector Organization, ova ningilwa omadeulo a nghene vena okundjeka po eengeshefa davo.

Omadeulo oule womafiku ane okwa ningilwa ovanangeshefa vanini veli omulongo a ningilwa pombelewa yoshikandjo-hoololwa sha !Nami#nus.

Omukwateli komesho wendiki loCOSDEC moLüderitz, Suzan Ndjaleka okwa tumbula kutya, ombelewa yavo oya tala kutya osha pumbiwa opo va ningile ovanangeshefa vanini omadeulo-pukululo a nghene vena okuyambulapo eengeshefa davo.

Ndjaleka okwa tumbula kutya oshafimana neenghono opo ovanangeshefa ava va mone omadeulo pukululo, va deulwe nghene vena oku endifa eengeshefa davo, di dule oku va etela elikolo.

Ndjaleka okwa ti omadeulo pukululo ovanangeshefa, oshitopolwa sha COSDEC moprogramma yomahumifo komesho ovanangeshefa, onghene ova tokola  va yandje tete omadeulo pukululo kovanangeshefa ava opo va dule okuya mo progamma  yoludi olo.

Okwa udaneka kutya okupitila moprogramma yomahumifokomesho yo vanangeshefa va nini, ovo konyala ihava pula unene oshimaliwa shihapu moku yambulapo eengeshefa davo, COSDEC ota ka twikilila nokutala kutya ovanangeshefa ava ota va ka eta tuu elunduluko noku mona elikolo  meengeshefa davo.

Omukufimbinga momadeulo aa Albertina Salom okwa yandja olupandu ko COSDEC, eshi ye va longekidila omadeulo a fimana, nokuna ongushu. Salom ta tumbula kutya ovalikola mo shihapu, osho va tala kutya ota shi ke va kwafela mokuka yambulapo eengeshefa davo.

Omadeulo okwa yandjwa komunawino moikwangeshefa nokuli omuliyambi omuAmerica, Janet Hoffman.

 

 

LEAVE A REPLY

Please enter your comment!
Please enter your name here