Dice a pititha Botsotso

0
276
Dice ngoka a pititha ongalo ye Botsotso ehulilo shiwike lyapiti

Windhoek -Omuimbi  a tseyika nawa mehangano lyoongalo dho Hip-hop, Edo Lutete, nedhina lye lyo ku imba Dice, okwa pititha ongalo ye ompe yedhina Botsotso, pamwe no kavidio kayo ehulilo shiwike lya piti.

Ongalo ndjika oya shangwa ku Dice yemwene, noya ningilwa omikwelengendjo ku MZ. Okavidio oka thaanekwa ku DBR, omuthaaneki guuvidio dhingi nokwa pyokoka.

Ongalo ndjika pamwe nokavidio kayo otayi inyenge nawa komapandja goIntaneta, unene tuu koFacebook, sound Cloud no You Tube.

Nonando Dice okwa holola ta ti edhina lyongalo otali hala okutya omufuthi, okwa ti ongalo yoyene otayi popi kombinga yo kakadhona hoka keholike kaalumentu oyendji, oshoka okena ondjelo ombwaanawa moshilongo ndjoka tayi ya kapo omitima dhaalumentu.

Okangalo haka oka landula hoka Dice ali a pititha petameko lyomvula ndjika kedhina On a Mission, ali ta kwathelwa ku Jericho nokali kadhana onkandangala.

Dice okwa ti oongalo ndhika okwe dhi dhiladhilila moalbuma ye ndjoka a hala akale a pititha pehulilo lyomvula ndjika. “Pethimbo ndika ondina oongalo odhindji, nondina oku ka hogolola ndhoka dhina oku ka kala dhili moalbuma oshoka otayi ka kala yi na ehwata lyoongalo 13,” Dice tati.

Okwa ti aayambidhidhi ye naya kale ya tegelela oshindji kuye manga omvula ndjika inaayi thika pehulilo.

Dice omu imbi ngoka a kala noku sindana omapapa ogendji oomvula dhapiti, nokwali a tseyika nawa noalubuma ye yedhina #1 Stunner ndjoka yesheendithile nawa mehangano lyoongalo noyali yina uungalo mboka ngaashi Okashushu na If I could.

 

LEAVE A REPLY

Please enter your comment!
Please enter your name here