“Hot”Hotto a kutha Namibia koshi

0
329

ONGWEDIVA-Osipana yaNamibia Brave Warriors oya li ya theta po omahodhi gaaNamibia mokudhenga Mozambique ongulohi yEtiyali lyazako ookoola 3-0 pokapale kaSam Nuujoma moVenduka.

Osipana yoBrave Warriors oya li ye ya muudhano mbuka sha landula edhengo elulu ndyoka lya li lya ningilwa komeho gaatali omayovi mboka ya li ya holoka pokapale ka Sam Nujoma, Olyomakaya gazako sho osipana ya li ya dhengwa kopelenti 4-5 konima sho ya li yi ithigi othika mokapale na Botswana 1-1.

Itamunua Keimune oye ali a patulula omulilo konima sho ali a tulamo okoola uuminute uushona okuza pokafudho, noku ninga eyalulo 1-0, Deon Hotto okwa ngoka ali eya muudhano mbuka nomwenyo gwa ziyalala , molwaashoka okwa li a palutha opelenti muudhano wawo naBotswana okwa li a ningi iinyengandunge sho ali atulamo omunyengo inaagu monika nando onale noku eta eyalulo pu 2-0.

Absalom Iimbondi omudhani gwo Tigers okwa li a dhana onkandangala mokati kokapale oshoka okwa li ta thanga omatanga guukilila na okwa li a kwathele mokoola yotango.

Absalom ngoka a tseyika nawa Kamutyatya okwa li a kuthwa mo mokapale nopehala lye opwa li pwa tulwa Hendrick Somaeb, ngoka inaa ongaonga oshoka okwa thikile ta tula mo okoola ontitatu noku eta eyalulo pokahiya ka hugunina likale 3-0.

Mozambique okwa li eya muudhano mbuka a kwata onyambi oshoka Namibia oye a li emu dhenge mo muudhano mbuka omvula yazako 2-0 mo South Africa ashike elago sho omudhani gwawo gumwe ali a pewa okakalata okatiligane konima sho ali iihumbata nayi muule ashike wominute gumwe netata.

Namibia okwa li a wayimine Zambia medhingoloko lya hugunina lyiilusa na ota ya dhana komatango gonena pokapale kaSam Nujoma potundi ontitano.

LEAVE A REPLY

Please enter your comment!
Please enter your name here