Oalbuma yaChiza ompe otayi dhana onkandangala

0
230
Chiza ngoka a tseyitha oalbuma ye ompe .

 

Windhoek -Omulumentu gwoomvula dhopokati ngoka a yambukile mOmuhozi mOniipa, osho apititha natango oshipandi shoongalo dhe tadhi dhana onkandangala momalukanda no kooradio dhomoshilongo.

Oshiluku shoongalo shika ohashi ithanwa Tala eto Ilongo.

Joseph “Chiza” Nehale osho eshi pondola okupititha oalbuma ye ndjono  yali yi na okukala yapita omumvo gwaziko ndele okwa li ya kalekwa molwa omatompelo ogendji.

“Petameko lyomvula ondali nda gandja ongalo moshigwana yedhina Lovisa, ndjoka ya kala tayi shi enditha nawa moshigwana yo oyo ya eta oonkondo nomadhiladhilo  goku etapo ehwata lyoongalo ndhika dhili muWatch and Learn,” Chiza ta ti ngaaka.

Okwa gwedhapo ta ti elalakano opo a shange oongalo ndhika okwa hala aantu mboka yena omakutsi nomayulu ta ga fudha yo yeshi shoka shi li mondjila noshapuka ya longe shoka shi li mondjila.

Moalbuma muka otamu adhika oongalo dhili omilongo mbali moka Chiza a longa naahiikingalo aaNamibia ngashi Dama Monique, Ama Daz Floor,Tate Ben na Yakuku.

“Moalbuma omuna omatumwalaka ogendji  ngashi ongalo yotango  tayi popi aaleli yoshilongo shetu okuza ngaa petameko lyOmundohotola Sam Shafiishuna Nujoma, Hifikepunye Pohamba na Hage Geingob moka muna etumwalaka lyoku ulika esimaneko  lyAaleli yoshilongo shetu oshoka sho taya longo osha simana sho otashi longo uunona mbu uushona oondunge,” Chiza ta ti.

Omuna ishewe ongalo ndjoka yo Kwaito tayi ithanwa Rasta, ta kwathelwa ku Yakuku, Ndawana na Anchux.

“Ndjino ongalo yopethimbo lyiituthi, uunene tu kaagundjuka. Onda hala woo ndi pandule aanangeshefa ngaashi Nasto, Doctor Celeb Spot no Young Kasi mbo tuli nayo mo Street Lights Entertainment, Nankaku Absalom, no producer yandje Momento na Doctie Shimbundu, tsikileni noku kwatha yalwe,” Chiza ta kumike.

Okwa indile aagundjuka opo ya kwathathane nokashona hoka yenapo.

Oalbuma ndjika otayi monika mOndangwa po Three Sister, mOvenduka  pOkalindi, mOkahandja pOshikango Bar  moondoolopa oonkwawo dhimwe opo, ngaa tadhi thiki.

“Otandi indile wo ongomuNamibia wuna esimaneko nowuna ombepo yokutunga omusiki yoshilongo waa ninge nando ocopy yoalbuma ndjika,” Chiza a  galikana.

 

 

 

 

LEAVE A REPLY

Please enter your comment!
Please enter your name here