Oletu onkene tayi pula komeho

0
240
Aagundjuka ya zala omaludhi guumbindja wuutalala mboka wa ndulukwa komuthaneki nomungongipo gwiizalomwa kohi yedhina Letu Urban wear.

 

ONDANGWA – Ombelenda yiizalomwa ndjoka hayi ithanwa Letu Clothing Line, ngashingeyi oya lukululwa no tayi ithanwa Letu Urban Wear. Ombelenda ndjika oya totwapo komugundjuka Meduletu Mulokoshi.

Mulokoshi gumwe gomaagundjuka mboka taya longo noku ulika uunongo wa wo. Nonande omupangi keithano Meduletu okwa mono kutya oku mwena  ita ku etapo sha, nomolwa uunongo mboka ena okwa tokola opo a totepo ombelenda yiizalomwa.

Iizalomwa ohayi monika moshilongo oshowo menenevi Afrika. Mulokoshi okuli wo omuunganeki gomaudhano, nomupopiliko gwethigathano lyaMiss High School North 2016. Ombelenda ndjika oya pititha ngashingeyi uumbindja wuutalala, nokwa tegelelwa yi ka pitithe natango uukotse niizalomwa mbyoka hayi zalwa pethimbo lyuupyu.

“Ombelenda yetu oya totwapo mo 2012, nomumvo kehe ohatu tula iilimbo kiizalomwa yomaludhi ogendji, ohatu gandja wo omagano ngaashi twali twa gandja okaVoucher kokakadhona dhingi poMiss TOTEM expo, ohatu gandja uumbindja kuukadhona mboka hawu kutha ombinga momathigathano ga yoolokathana,” Mulokoshi ta ti.

Pethimbo ndika otaya yambidhidha Lapie Topie opo a vule a pitithe oalbuma ye, otaya ka gandja wo omwiha nuudhanitho kuunona mboka wuuthigwa naamboka itaa wu vulu okwi ikwatha wowene, wu mone kutya moshigwana omuna mboka yena oshimpwiyu nawo.

Ota pula aagundjuka ooyakwawo mboka yena iitalenti ya yooloka , naamboka yena omathaneko noya hala ya ulike iitalenti yawo ya manguluke, yo ya ulukile oshigwana shoka taya ningi , oshoka ngele oyeli owala momagumbo niitalenti yawo ka puna ngoka ta mono kutya ohaya ningi shike.

“Natu kambadhaleni tu nyangadhaleni, tse tu pondole sha moonkalamwenyo dhe tweni, otwa hala tu kale aagundjuka tuna ongushu moshigwana, tse tu kale tatu longo kutse yene noku yanda okukala momapandaanda noku lundulula iinima yaantu,” Mulokoshi ta gwedhapo.

Okwa uvaneke kutya ye pamwe nongundu ye oyi ilongekidha oku gandja omakwatho mpoka tashi vulika, yo taya yambidhidha mboka ya pumbwa okuyambulwapo, ya vule oku ulika iitalenti niipewa yawo.

 

 

 

LEAVE A REPLY

Please enter your comment!
Please enter your name here