Oondjimbo thadi shambula mesiku lyomusiki

0
231
Ya thanekwa taya tyapula Esiku lyOmusiki  muuyuni omvogu pomahala ga yooloka  oshilongo ashihe.

 

Windhoek-Okonserta ndjoka tayi kala ko ongula okudhimbulukwa esiku lyomusiki mUuyuni otayi kala yimwe ya dhenga mbanda . Ndjika otayi kala ya pitilila pwaashoka oyendji taya kala ya tegelela.

Shika oshi li ngaaka molwashoka itapa kala ashike okonserta yimwe ayike tayi dhanwa moshilando shimwe ndele oshilando kehe otashi ka uva omusiki okuza pokonserta ndjoka tayi dhanenwa musho.

Ookonserta ndhoka tadhi ka dhanwa momahala ga yooloka oshilongo ashihe otadhi ka uva omusiki ngaashi ndjoka yomuhingo gwo jazz, soul, funk, rock electro, reggae osho wo omifango dhilwe dhomusiki  ndhoka hadhi imbwa neitulemo mombepo yenyanyu kaayimbi yopaithano osho wo mboka haya imbi molwohole yoku  imba.

Ookonserta otadhi ningwa pOshakati New Open Market okuza pomugoyi sigo ontano komatango,Katima Mulilo Open Market, 09h00 sigo 17h00, Rundu poDr Romanus Kampungu Stadium okuza potundi 08h30 sigo 17h30.

Aapulakeni naaholi yomusiki otaya ka mona noku uva aahikingalo yomaludhi ogendji osho wo omusiki yomaludhi nomifango nomikwelengendjo dha yooloka. Pethimbo Namibia ta joina uuyuni moku tyapula esiku lyOmusiki mUuyuni.

Pahapu dha Alexandrine Guinot, omupopiliko gwo Franco-Namibian Cultural Centre (FNCC) ngoka oye ta longekidha oshiithanene shika, ookonserta ndhika odho omatyapulo  omawanawa nefamilia alihe , hoka aakuluntu taya vulu okuya naanona yawo.Aanona otaya vulu okukala taya dhana iinima yawo omanga taya pulakene komusiki.

“Oshiithanene shika ohashi eta pamwe aantu ya yoolokathana osho wo yomapipi ga yooloka thana. Otwa kambadhala oku egululila iiyelo aanamusiki aape nuumvo opo ya vule oku ulika uunongo wawo” osho a ulike.

“FNCC oku uvite etumba ongo omuyambidhidhi  gwiitalendi yaNamibia oku yi eta puuyelele osho wo omulongekidhi gwoku eta aantu ye ye, ya pulakene aahikingalo naanamusiki aape naamboka ye shiwike nawa nale. Tu joina mesiku ndika tali kakala ewanawa oku uva omusiki yoye ndjoka wu hole ngoye itoo yi futile sha. Otapa ka kala oondjimbo okunyanyudha kehe gumwe oshowo iinyangadhalwa oyindji” osho ati.

Pandjikilile ookonserta dhEsiku lyOmusiki mUuyuni ihadhi futilwa sha. Aakwashilipaleki  yookonserta ndhika oya kwatelamo

Total Namibia, Warehouse Theatre na DB Audio

 

 

 

LEAVE A REPLY

Please enter your comment!
Please enter your name here