Urikhob omudhani gwokomwedhi

0
225
“Omudhani gowkomeho gwaNamibia Sadney Urikhob (kolulyo ) okwa hogololwa oye omudhani gokomwehdi muMai mospna ye Osotspa FC's .Okwa thanekwa ta taamba epapa lye okuza komunambelewa gwospana.

Windhoek –Omudhani gopashigwana gwaNamibia osho wo ngoka ha dhana moThai Premiership  Osotspa Football Club,Sadney Urikhob okwa li a kumwa sho oye a ulikwa omudhani gwokomwedhi mospana ye omwedhi gwa Mai. Okwa pewa epole ndika omolwa iilonga ye iiwanawa muudhano okuza tuu sho a galuka mefudho lyuuwehame.

Omudhani nale gwokomeho mospana yo Saraburi FC mo Thai premier liha tuu moka okwa ningi esiku ta dhana nawa nkene tuu a galuka mefudho lyoomwedhi hetatu sha landula okweehama kwe mongolo. Sigo oompaka okwa tula mo ookola dhili ntano momaudhano geli gahamano moka a li a dhanene ospana ye ndjoka Osotspa FC.

Sho a popi na Kundana okuza ko Thailand Urikhob okwa ti epapa ndyoka olye ya pethimbo inee li tegelela sho  a aluka keehamo lye, nongashingeyi opo ashike ta tameke oku kala ishewe eli nawa palutu mokudhana nawa, onkene ndika olye mu kumike  opo a longe uuka komeho..

“Eiyuvo ewanawa shili naashika osha ulike nkene ngame nda longa nuudhiginini nkene tuu nda galukile mokukala nde ehama.Onda kala itaandi dhana uule woomwedhi hetatu ndele moku galuka kwandje muuwehame onde shipondola okuthangelamo ookoola dhili ntano muudhano uhamano noku hogololwa ongo omudhani gokomwedhi oshinima tashi nyanyudha shili” osho Urikhob ati.

Sho Osotspa FC eli pehala eti 16th moliha yoospana omu18, Urikhob okwa  ti ota longo nuudhiginini opo a hupithe ospana ye yi shune ko liha yopevi. Pehulilo lyomumvo guudhano ngele ospana ndjika inayi longa nawa otashi vulika yi kuthwemo moliha ndjika.Urikhob ota longo wo nawa  opo a opaleke okudhana kwe ongo omuntu paumwene we naashika ote shi ningi moku thangela mo ookola odhindji.

Urikhob okwa joinine Osotspa kuyele nuumvo meuvathano  lyiilonga efupi ndyoka lya tegelelwa okuhulila mu Desemba nuumvo, konima sho a li a topoka nospana ye Saraburi FC mboka ya zi mo moliha ya Thailand molwashoka kaya li we noshimaliwa. Osotspa omo ishewe mwa kala hamu dhanene aadhani nale yo Brave Warriors, Tangeni Shipahu na Lazarus Kaimbi.

Urikhob okwa li a ka dhanena Saraburi FC okuza koCivics petameko lyomumvo gwosoka go 2014/15 omanga inaaya a ka dhanene hoka okwa li ha dhana mokluba ya South Africa Amazulu omanga ndjika inaa yi tidhwamo muudhano woliha yopombanda.

 

 

LEAVE A REPLY

Please enter your comment!
Please enter your name here