Vatano va fya moshiponga shopwIindangungu

0
494
Vatano va fya moshiponga shopwIindangungu

EPYALIIPUNDU – Oonakufya moshipoga shi nyanyalifa shelidengo lokataxi metuwa pwIindangungu moshitukulwa Oshana, va ninga vatano. Nande poshiponga shomuMai 2016, pa fila omushingi wokataxi, omutwaalelwa komesho na umwe metuwa lobaki, paife omwaalu waavo va fya owa fika povanhu vatano, eshi Saima Nambahu Iipito Tokundu a xulifa meti 11 Juni 11 neudo.

 Omunhu omutine okwa ka xulifa okudja poshiponga sha ningilwa ovaneumbo vomEpyaliipundu omushamane Tokundu nomukulukadi waye pamwe nomushiinda. Oshiponga osha ningwa mokwaaluka koshivilo shomaongo kuuwa waNamungundo mOndonga, melidengo mumwe lomatuwa pwIindangungu moshikandjohoololo shaKaku moshitukulwa shaShana.

 Mwene womukunda Iilagati, Sakaria  Shimwandi pepako lomunamido 70 Tokundu okwa holola elimbililo laye ta ti:“Oshike ano shi li moondjila paife? Iiponga oyindji unene!” Ta hokolola efano lii loshiponga moshitauwa oule weevili dihapu.

 Ovaneumbo ava nande okudja poshiponga va ka mona ouhaku diva moshipangelo shaNandjokwe, oshiponga  shii noshinyanyalifa otaku ti, osha etifa efyo lomulongifikola a li moshipundi shetulumuko Saima Nambahu Iipito Tokundu  moshipangelo shaNandjokwe.

Poshivilopako sha ningilwa pEpyaliipundu moshikandjohoololo shaKaku, moshitukulwa shaShana opa li ongudu inene yovalilafya, ovahongi ovo va tanga oilonga yaye ya fimana mehongo, ovakwashiwana novanaenghatu da yooloka. Molwa ekwafo laye, ovahongi ove mu pandula mokudeula ovahongi vakwao pefimbo a li omukulunhufikola pofikola va ka ninga ovakulunhu veefikola.

Kakele kovapopi aveshe va ndjokonona Tokundu nghee a li oshiyuma shiwa, Tokundu okwa didilikwa mekufombinga laye mekondjo lemanguluko laNamibia. Oupenda, ohokwe neyakulo loshiwana ehe na nhondo, okwa didilikwa moilonga yaye youlongisikola. Manga ina ninga omukulunhufikola okwa longa manga ofikola eedula 14, nokwa kala moukulunhusikola eedula 26. Tokundu ina kala ashike omulongi wosikola ndele okwa kala yoo omuudifi oye a dika etala losinagoga pEpyaliipundu omo mwa ningilwa elongelokalunga lepako laye.

Tokundu okwa fiya po ovamwaina vavali, omushamane waye ou naye a moshiponga eshi shinene naye a mona oshiponga. Mokati kounona va pelwe 13 ovamati vaheyali noukadona vahamano, ovamati vatatu ova tetekela nale.

Pokati opo otwa kundana kutya, okabesa ka dja koWindhoek Etitano, Juni 18,2016 ka tulika ovatwaalelwa, mondjia yopokati kOshivelo nOndangwa okay aka omundilo novatwaalelwa ova nhuka mo inava mona oshiponga. Umwe wovatwaalelwa ina hala kutumbulwa kedina okwa ti, ova uda ashike edimba noku mona omwifi tau undumuka mokabesa.

 

 

LEAVE A REPLY

Please enter your comment!
Please enter your name here