Ya tengeneke kutya ospana yini tayi sindana COSAFA

0
276

Ethigathano lyoCOSAFA ndyoka lya ningi esiku moNamibia ota li ya pehuulilo ehulilo shiwike ndika, Kundana okwa yi moonkundathana naadhani yoOngwediva Medipark Football Club, mboka ya gandja omaiyuvo gawo kuudhano wCOSAFA, noku tengeneka kutya olye ta ka sindana po uudhano mbuka.

Mukendoyi Mutelo : Ethigathano olye enda nawa lela Namibia okuna oshindji okwi ilonga kuudhano mbuka, opo a wape oku unganeka uudhano uunene monakuyiwa ngaashi nando ekopi lyUuyuni nenge uudhano wOlympics, nando osipana yetu oya li ye tu uvitha nayi muudhano wawo wotango shika oshi li oshitopolwa shomaudhano, onkene aaholi yomaudhano naye shi taambeko ashike nomutima gwa yela, otandi tengeneke kutya Swaziland oye ta ka yambula po ekopi ndika nuumvo.

Olalekan Anjani: Tangi kewiliko lya COSAFA sho lya li lya hogolola Namibia opo a unganeke uudhano mbuka nuumvo, oshilongo shetu osha mona uuwanawa owindji, okuza tuu kemona ,iipindi nosho tuu omainyanyudho, uudhano owali wa unganekwa lela pamuthika gwopaigwana naashika osha ulika kutya Namibia ota vulu oku unganeka omathigathano ge li pamuthika. Namibia okwa li a dhana nawa muudhano we na Botswana nando a li a dhengwamo koopelenti shika hasho shi tulitha omutse kepepe, DR Congo oye ta ulike eememo no ndiwete oye ta kasindana po uudhano mbuka.

Shali Nahambo : Namibia okwa ulukila uuyuni kutya ota vulu oku unganeka uudhano wuli pondondo, oshilongo shetu oshina ombili, puupale ina pu holoka nando omakuyunguto. Osipana yetu yopashigwana oya li shili ya dhana nawa nando ya li ya dhengwa mo mekopi, ashike Namibia okwa li iikutha kohi sho a dhenge Mozambique 3-0 mekopi lyiilusa, ondiwete kutya Botswana ota vulu okusindana po ekopi ndika oshoka okuna osipana yi na oonkondo na oya dhana pamwe ethimbo ele.

Olalekan-Ajani Mukendoyi-Mutelo

LEAVE A REPLY

Please enter your comment!
Please enter your name here