Ya tyapula esiku lyokukeelela embugaleka muuyuni

0
247

 

OSHAKATI-Elelo lyondoolopa yaShakati nuuMinisteli wOmidhingoloko nOmapashiwano oyali ye ya pamwe naakalimo yomOshakati okudhimbulukwa esiku lyekaleko po lyuushitwe nokukeelela embugaleko muuyuni.

Ngoloneya gwoshitopolwa shaShana Clemens Kashuupulwa ngoka oye a li omupopi a simana gwesiku okwa ti osha simana okukaleka po uushitwe, nokukaleka omudhingonoko dha yela opo ku yandwe omaupyakadhi ngoka ha ga holoka ngele uushithwe owa piyaganekwa.

Kashuupulwa sho a popitha edhimbuluko ndika okwa ti uuna uushitwe wa piyaganekwa oshilanduli otashi vulu okukala uupyu wa pitilila, oluteni, nomafundja.

Okwa indile aakalimo yomodoolopa opo ya tameke naampoka ha ya kala oku kaleka omahala gawo gayela noku tsika wo omiti.

Esiku ndika olya li lya mwenyekwa niitewo ya totwa kaanasikola yokosikola yaKambatana mboka ya li taya gandja omauyelele nkene aantu yena oku kaleka omidhingoloko dha yela noku kaleka po uushitwe wetu noku wu gamenena po.

Osikola Erundu oyo ya pewa epapa esiku ndyoka methigathano lyoosikola okuninga po epalakata tali popi sha komidhingoloko.

Uunona mbuka owa li shili wa holola po epalakata ewaanawa nota li hokitha ndyoka lya li li na oshipalanyole tashi ti wayimina ondjila yokuninga uuyuni ehala ewaanawa lyokukala.

Erundu olya li lya landulwa kOshakati Primary pehala etiyali naKambatana Private School okwe ya pehala etitatu.

Oosikola adhihe odha li dha pewa omiti opo dhi ka tsike koosikola dhawo.

Aanasikola oya li ya wayimine ngoloneya moku tsika omiti mepaandanda lyakunkula noombelewa dha Social Security mOshakati.

Poshituthi mpaka opwa kalwa wo kOmunambelewa Omukuluntupitithi gwelelo lyodoolopa yaShakati opamwe naanambelwa yUuministeli wOmidhingoloko.

 

 

LEAVE A REPLY

Please enter your comment!
Please enter your name here