50 KG a pititha Ekundukima

0
208

 

Windhoek-Namulandu Phillipus Penda, a tseyika nawa nedhina moongalo oye 50 KG, okwa pititha oalbuma ye yedhina Ekundukima, ndyoka ya li yi na okupita omvula yazako.Pinehas Nakaziko ota kundaneke.

 Ekundukima oalbuma ndjoka yi na oongalo dho Afro pop, Hikwa, Dancehall, naandhoka dhopambepo, tadhi inyenge nawa mewangandjo.

Nonando 50 KG oye gumwe po gwomaahikingalo mboka aape, okwa holola kutya oalbuma ndjika oyi na omulyo ngaashi gwaahikingalo mboka aanene mehangano lyoongalo, ooThe Dogg, Gazza nooyakwawo oyendji.

Mokati koongalo ndhoka dhili moalbuma, omuna dhimwe ndhoka itaadhi thigi omuntu a kuutumba ngaashi Ohenda koohima, Gheto Federes, Hometown, Pencacola, Lyaame, Comrade Andimba Toivo yaToivo, oku tumbula po ashike dhimwe po.

Ekanda ndyoka lya yambukile kOshitambi shaNehale mOnayena ohali imbi konyala omaludhi goongalo adhihe hadhi imbwa moNamibia. Moalbuma yEkundukima, 50 KG okwa imba pamwe noombushe miilonga ngaashi Kamalyenge, Triple G, Chocho, omanga piikwelengendji oongalo dhe ali a longo pamwe naDJ Zappi, DJ Chronic, Neslow, Becks naShon Brivy.

50 KG okwa konekiwa nawa nokangalo hono ali a pititha kedhina Hometown, ka kala noku dhana onkandangala komathigathano goongalo moshilongo ngaashi oLocal Top kwaito koEnergy noBase FM. Oalbuma yEkundukima oya kwathelwa ku Shivute “ Wela” Wilbard ngele tashiya poshimaliwa niinima iikwawo ya gwedhwapo. Oalbuma oya tseyithwa noku tulwa pamuthika gwopombanda ku Mr Rio naMr Kateta.

50 Kg ngoka a tamekele okwiimba oongalo momumvo 2005 manga eli pIikokola ota ti oalbuma otayi opalele omapipi agehe oshoka konyala oongalo dhomaludhi agehe omo dhili, noya guma unene kiinima mbyoka ya kwata onkalamwenyo osho wo ondjokonona yoshilongo nomuthigululwakalo.

 

LEAVE A REPLY

Please enter your comment!
Please enter your name here