‘Desert Storm’ meni lyomulongo na yatano paWBO

0
251

Windhoek – Sakaria ‘Desert Storm’ Lukas oku uka ponkatu onene muudhano woongonyo konima sho nguka i imonene ehala komutse gwelandulathano lyaadhengingonyo yongundu yehangano lyuudhenginyo muuyuni lyedhina World Boxing Organisation (WBO). Shika osho shotango oku kala mongundu yaadhenginyo momusholondondo gopombanda nkene a tamekele uudhano woongonyo paithano.

Lukas okuna omapaya gatatu gokudhenga oongonyo moAfrika okuza komalutu gatatu guudhengingonyo.Ye enyakwa nale mondjundo yo IBF Featherweight African champion, pethimbo ndika oye enyakwa lyo WBA Pan African osho wo WBO Interim Africa Featherweight champion.

Sigo oompaka nguka ina dhengwa momalugodhi ngoka a kondja geli omulongo naaga heyali mondjundo yoFeather weight. Lukas okwa tegelelwa a ka kale pehala etimulongo momusholondondo gwolutu lwoongonyo lwo WBA uuna nduka talu ka pititha omayalulo galwo gaJuni.

“Onda nyanyukwa molwa Sakaria, okuna evuliko ye oha longo nuudhiginini naa shika otahsi tameke oku mu etela iiyimati.Otwa tegelela oshindji ku ye no kandi na omalimbililo kutya  ote ki ikongela edhina ye mwene muuyuni wuudhengingonyo uuna ta ka mona ompito oku kondja olugodhi olunene pomuthika guuyuni mbala.Otwa longa nuudhiginini okukala meni lyomusholondondo gwaadhengingonyo 15 muuyuni.Shika ohashi etele omudhengingonyo oompito dhoku mona uudhano uunene. Otatu kala noku longa nuudhiginini opo tu ye pomuthika gopombanda, niilonga mbika oyo yi na okulongwa oshoka ndjika oyo owala ondjila tuna okweenda nayo.Ka yi  shi ompu”, Nestor Tobias  ati.

“Julius ‘Blue Machine’ Indongo okwa shuna pevi kashona okuza pehala  etitatu okuya pehala etine ndele okwa tegelelwa oku shuna pombanda konima yolugodhi ndoka a tegelela. Natango ye okuli pehala etine lyo ndika olili nawa natango.

Immanuel “Prince” Naidjala oku li pehala etitano nonando olugodhi lwe na Klaas Mboyane olwa li lwa ekelwahi inaa lu yalulwa.

“Enyakwa epe lyo WBO International Flyweight, Japhet Uutoni ina tulwa mo meyalulo nonando okuna  epaya lyopaigwana.Ndika epuko ashike na tse otwa tseyithila ewiliko kombinga yoshinima shika, okupitila pepandja lyo Boxrec website. Ota ka kala mongundu yomulongo  meyalulo lya Juli.”, Tobias a gwedha po.

Enyakwa nale lyoWBO Bantamweight nosho wo IBF Super Bantamweight , Paulus Ambunda, okuli pehala eti-12 payalulo lyo Boxrec  muuyuni auhe, na ota ka galukila moringa mbala nolugodhi.  Enyakwa lyuuyuni nale , Paulus ‘Hitman’ Moses  nenyakwa lyo WBO Africa Welterweight, Sacky “Izinyoka” Shikukutu oya tegelelwa ya ka holoke momisholondondo moomwedhi tadhi ya.

 

 

LEAVE A REPLY

Please enter your comment!
Please enter your name here