Etunhilo loshikwenyenye norubella!

0
270

OSHAKATI – Molwa etukuko lomukifi woRubella u na omadididliko a fa okakwenyenye, oshikondo shOnghalonawa nOundjolowele osha longekida oshikonga shotete shetunhilo lomeasels-rubella okudja Juli 11-22, 2016 moshilongo ashishe. Oshikonga shotete shotunhila otashi tunhile ounona veemwedi omuwoi fiyo ovakulunhu veedula 39 ovalumenhu novakainhu. Ouyelele owa yandjwa komukwatakanifi woundjolowele moshitukulwa shaShana, Karen Toivo.

Epangelo ola ufa opo ovanhu kudja eemwedi omuwoi fiyo eedula 39, va tunhilwe metunhilo eli oshikando shimwe okudja Juli 11-22, 2016. Ounona ve li koshi yeemwedi omuwoi voo itava tunhilwa shaashi oikondjifo yavo inai wana. Epangelo ola ninga elongikido olo kwaavo ve li onakwiiwa yoshiwana, voo ovahapu, novanhu ve na eedula da koya punhano vahapu moshilongo, ova kwatwa komukfi worubella. Kakele, Toivo ta ti, fiyo opapa ava itava kala moshilongo pomafiku etunhilo veedula edi, inava ningilwa omalongikido owina.

Omukwatakanifi woundjolowele mOshana, ta kumike oshiwana shi kufe ombinga metunhilo eli lowina lotete moshilongo, omo okaana nande kakale ka mana etunhilo leemwedi omuwoi, natango oke na ku tunhilwa etunhilo lowina eli. Toivo ta ti, oshiwanana nashi konge omauyelele koipangelo nokeekilinika manga kuyele neenhele opo tapa  tunhililwa otadi shiivifwa diva.

Toivo ta yelifa nghee orubella hai tandavele momikalo da yooloka momaxu ilo monyata, nongeenge omufimba okwa kwatwa korubella peemwedi dopetameko oi na oilanduli yii kokaana. Ohai dulu kukuma omutima ilo okunyona ouluvi, ilo okushendja oukwatya wokahanana ka ninge elai. Nande ili pamalupe a yooloka, orubela oi na omadididliko a faafana nokakwenyenye, kakele eyooloko ohali monika okupitila moshidjemo shomakonaakono opaunamiti.

Oshiwana oshi  na kwaamenwa pamukalo wetunhilo. Keshe ou ta tunhilwa na etelele okakalata kounamiti, pokakalata kakeshe ou a tunhilwa otapa ka natekwa okambapila ongedididliko kutya mwene okwa tunhilwa. Shikwao, keshe ou a tunhilwa ota paindwa kokamunwe kanini kokolumosho.

 

 

LEAVE A REPLY

Please enter your comment!
Please enter your name here