Kaimbi a mono ospana ompe moThailand

0
242

 

Windhoek – Omudhani nale gwopashigwana gwaNamibia Lazarus Kaimbi okwa mona ospana ompe moliha yaThailand konima yoku thigapo ospana ndjoka a ningi omasiku ta dhanene ya Bangkok Glass Football Club.

Ospana moka Kaimbi ta kala noku dhana oomwedhi hamano tu uka ohayi ithanwa Chiangrai United.

Omudhani gwokomeho nale moBrave Warriors okwa shaina euvathano no Chiangrai,yo moThailand konima sho ospana ye, yaBangkok Glass ye mu laleke nonando okwa li ena ko natango oomwedhi hamano keuvathano lye lyiilonga nospana ndjoka.

Kaimbi okwa lalekwa  konima yoku kala omwedhi gumwe pevi ena uuwehame woshithi, nosho wo sho ospana ye ya dhengwa kwaa ndjoka yo Buriram United iiwike itatu ya piti. Iiningwanima mbika oyo ya fala sigo oompoka kutya Omuperesidente gwospana ndjika a etemo omalunduluko mospana sho a lalekemo aadhani yatano mwa kwatelwa Kaimbi, aaThai yatatu nomudhani gumwe omvalele ya Macedonia osho wo a laleke omudheuli gospana ndjoka.

Okulalekwa kwaKaimbi otaku kumitha oshoka ye okwa kwathela momasindano ogendji gospana ndjoka sigo oompaka sho ha gandja nawa omatanga ngoka taga ka thangelwa mokoola.. Okwa li a lombwelwa ku Ndohotola opo a vululukithe oshithi she shoka sha ehama. Ospana oya ti Kaimbi okwa lalekwa omolwa okwe ehama kwe ihe nguka okwa adhika a tyapo hwepo na okwa li a dhana muudhano wospana ndjika nospana yo Pattaya United ehuliloshiwike lya piti.

Petameko okwa li a pewa okuhogolola pokati koku kala mospana itaa dhana nando ota futwa ondjambi ye ya gwanapo uule woomwedhi hamano. Ndele nee ospana kaya li tayi mu shangitha ongo mudhani oomwedhi hamano tadhi landula., nenge ospana otayi tulapo oshimaliwa oshinene kombanda ye opo yi shololithe mboka ya hala oku mu landa oku ke ya dhanena . Shika osha li sha thanekwa nelalakno opo ye kaa landwepo kookluba dhimwe oshoka ye okwa nika oshiponga muudhano.

Kaimbi okwa hokolola kutya oku uvite elago moku shaina euvathano ndika  nospana ndjika wo hayi dhana nawa ngaashi ashike ndjoka a thigipo. Naandjika otayi lalakanene oku hulitha uudhano yili mokati koospana ndhoka dhili pombanda melandulathano lyoliha.

“Nonando Chiangrai United oku li iitsa 15 konima yospana ndjoka yili komeho , ngame otandi ka kambadahla ngaashi tandi vulu opo ndi kaleke ospana ya ndje  pehala mpoka yili. Omaudhano gedhingoloko etiyali otaga tameke  ehulilo shiwike ndika nangame ondi ilongekidha oku taaguluka eshongo ndyoka nda taalela.”

Chiangrai ota ka dhana na Suphanburi Football Club Olyomakya medhingoloko etiyali lyuudhano. Chiangrai okuli pehala etine moshitaafula shoospana  eli konima yospana ndjoka yili komeho yedhina Muangthong United, ndjoka ya landulwa popepi lela kospana Bangkok United; and Bangkok Glass pehala etitatu.

 

LEAVE A REPLY

Please enter your comment!
Please enter your name here