MoLüderitz otamu patululwa osasiona ipe yoomahooli

0
184

Lüderitz – Ongeshefa yoNTE Electrical CC otai ka tunga onhele yokunwefa omahooli moLindili meni lefimbo lixupi.

Eshi osha shiivifwa pefimbo loshoongalele sha ningwa novakalimo  vomo Lüderitz mEtitano ladjako. Eshi osha ningwa opo ava va yandje omaliudo avo koshinima eshi shoku tunga osasiona yomahooli.

Ehangano lo Tortoise Environmental Construction cc olo la pewa oshinakuwanifwa kouMinisteli womudingonoko nomapashiono, opo u ninge omapekaapeko moshiwana shomo Lüderitz, kombinga yetungo lonhele yokunwefa omahooli ipe.

Moku yeulula pambelewa oshoongalele sholudi eli Kansela woshikandjohoololwa sha!Nami#nus Jan Scholtz okwa pandula unene ovanangeshefa ovo va tokola oku eta exumokomesho modoolopa oyo.

Meya wodoolopa Hilaria Mukapuli, pefimbo ta pandula aveshe ovo vali vaongala moshoongalele sholudi eli, okwa pandula unene ovanangeshefa ovo vena omafaneko mawa, opo veuye va pindike modoolopa ei. Mukapuli ta tumbula kutya omivelo  oda yeulukila aveshe ovo vena ehalo opo veuye va pindike modoolopa noku uya va xumife komesho odoolopa.

Pefimbo opo tuu opo Mukapuli okwa dimbulukifa ovanangeshefa vanini kutya ei oyo omhito iwa kuvo, opo va tale kutya eekondalaka doludi lilipipo tava dulu oku ka kwafela moku tungapo onhele yokunwefa omahooli ngee tai ka hovelwa.

Ovakufimbinga vahapu ovo vali moshoongalele ova hafela edilaadilo olo nota ve li yambidida kutya otali eta exumokomesho modoolopa.

Omapulo okwa pulwa kovakwashiwana kutya onhele yokunwefa omahooli oyo kwa fanekwa tai ka tungwa, otai ka longa ngahelipi?  Nepulo likwao olo olo kutya onhele yokunwefa omahooli ngee ya pu okutungwa otai ka yandja oilonga kovanhu ve fike peni?

Enyamukulo ola yandjwa Ku Martin Martin omukalelipo wa NTE Electrician CC kutya onhele otai ka patuluka eevili dili omilongo mbali na nhee, nokwa fanekwa ovanhu vefike po 50 tava ka mona oilonga ponhele opo, shaashi otapa ka kala onhele yokunwefa omahooli, onhele yokukoshela eetuwa, nonhele yokulondekela eebesha odo hadi i oinhano ile poo otapa kala nofitola.

Modoolopa ya Lüderitz omuna eenhele doku nwefa omahooli dili mbali oShell no Engen, neenhele adishe odo ohadipatuluka okudja ongula po 06h00 tadi pate po 22h00 yokonguloshi.

Ovakwashiwana vomo Lüderitz ovapewa eembapila omo tava tula omadilaadilo avo shinasha netungo lonhele yomahooli, novapewa veshininge manga omafiku 08 Juli 2016 inaa fika. Eembapila otave di shunifa kehangano lo Tortoise Environmental Consultants, ile vedi twale pombelewa yo uMinisteli womudingonoko nomapashiono modoolopa ya Lüderitz.

 

LEAVE A REPLY

Please enter your comment!
Please enter your name here