NFC na NFVF yashaina euvathano lyoofilima  

0
188

Windhoek

Ehangano ndyoka lyo ku kalela po, nokutaandelitha oofilima dhoshilongo (NFC), olya shaina euvathano nehangano ndyoka hali kalelepo ofilima, nokuninga uuvidio lyo moSouth Africa (NFVF), mEtiyali lyoshiwike shika.

Eshaino ndika olya ningilwa pethimbo lyoshituthi oshiti-37 shuufelema wo pauyuni (DIFF) shoka  hashi ningilwa aluhe mo Durban, South Africa, mu Juuni kehe omvula. Oshituthi shika nuumvo oshali sha tameke momasiku 16 gaJuuni, notashi kapwa Osondaha ndjika twa taalela.

Aalongeli yehangano ndika lyo NFC yeli poshituthi shika moDurban  moSouth Africa oyo ya koleke no ku kwashilipaleka kutya euvathano ndika olya shainwa.

Ehangano ndika okwali lya holola kutya eshaino ndika otali ka gandja oonkatu oombwaanawa kaaNamibia nokaa South Africa okuya longa nkene yena  okuninga uuvidio wawo, oku etapo nokuya ningila omauliko nomatseyitho ponkatu dhopombanda muuyuni.

“Otwa hala tukale tuna ekwatathano lya kola, noku longela kumwe uule wethimbo oku ziilila pokati kiilongo mbika iyali,” Omukuluntu Wiliki gwo NFVF, Zama Mkozi, ta ti ngaaka.

Omukuluntu gwoshipundi sha NFC, Obed Emvula,  okwa ti oopelesenda dhaadha po 47, ndhoka hadhi ya dhi ninge uufeelema mo Namibia oha dhi zi moSouth Africa, naashika otashi ulike elongelo kumwe lyakola ngele tashiya piilongo mbika iyali.

MuMei omvula ndjika NFC okwa li a tameke nopolohalam ndjoka yo ku longa aaNamibia oku ninga oofeelema, ndjoka tayi ka gandja ompito ombwaanawa kaakwashigwana mboka yena ohokwe moofeelema, yena oomvula okuza po 18 okuya pombanda opo ya kale ya longwa.

 

 

 

 

LEAVE A REPLY

Please enter your comment!
Please enter your name here