Omakondombolo otaga ka lya ehete kOseko yIipumbu

0
216

 

OSHAKATI-Ehuliloshiwike tali ya oondjila adhihe odhu uka kombala yIipumbu yaShilongo sho ethigathano ekulukulu lyoosikola ta li galukile mondambo.

Ethigathano ndyoka lya li lya sindanwa po kosekundo yIipumbu omvula ya zako ota li ka tameka Olyomakaya yomasiku 9 sigo 10 ga Juli 2016 pokapale kemanguluko mOshakati.

Omupopiliko guudhano mbuka Erastus Wilbard okwa indile oosikola dhi tameke nale okuninga oshilage nokwi iyupika opo sho Etitano ta li ka thika yo oya thika nale polwaanda lwOsekundo yIipumbu mpoka opo ta pu ka ningilwa ehogololo kutya ospana ndjika  naandjika otadhi dhana nospana yini.

Oosikola ndhoka dha tokola oku ka kuthombinga odha indilwa opo dhi kale dha koleka ekuthombinga lyadho methigathano ndika omanga Etitano lyomasiku 08 ga Juli inaali thika.

Uudhano mbuka owa thikama momaudhano ngaashi etanga lyokoompadhi lyaamati naakadhona,etanga lyomokambamba, oVolleyball nosho wo oBasketball .

Ospana ndjoka tayi ya yotango muudhano wetanga lyokoompadhi otayi ka pewa oodola 1,000 nekopi, ospan a ontiyali otayi pewa oodola 500 naandjoka ya hugunina otayi pewa oodola 400.

Metanga lyomokambamba gwotango ota ka pewa ondjambi N$ 500 nekopi, omanga omutiyali ta ka pewa N$ 300,omanga gwahugunina ta ka pewa N$ 250.

Omutango muudhano woBasketball otayi nooN$ 300 nekopi omutiya li ooN$ 250, omanga ngoka ta zimo gwotango moospana dhetanga lyokoompadhi lyaakadhona ota pewa ooN$ 300 nekopi, omutiyali ooN$ 250, omanga gwahugunina ota ka hekelekwa nooN$ 200.

Uudhano mbuka ota wu ka mwenyekwa koshituthi shokakadhona dhingi kotonamende shoka ta shi ka ningwa ongulohi yetihamano poshinyanga shOsekundosikola yIipumbu.

 

LEAVE A REPLY

Please enter your comment!
Please enter your name here