Oshikwiila shaadhani tanga 450 otashi vulika shi kane

0
235

 

 

Windhoek –Omunashipundu shoLiha yopombanda yetanga lyokoompadhi moNamibia (NPL),okwa pumbwa okukatu onkatu yimwe yomondjila opo a hupithe oshikwiila  noonkalamwenyo dhaadhani tanga omathele 450 mboka haya dhana moliha ndjika moshilongo.

Johnny ‘JJD’ Doeseb,okwa pewa iilonga iidhigu ngaa mbyoka yoku aneka uusila kombanda yomeya sho a tseya ngashingeyi nokutya onkalo yuudhano woliha ndjika oyili meshongo enene. Shika osha holoka sho omukwashilipaleki guudhano mbuka gomimvo ndatu dhapiti po MTC a lombwele aawiliki yoliha kutya naya konge wo omukwashilipaleki omutiyali ngele oya hala okutsikila nekwatathano lyekwashilipaleko lyaMTC omimvo tadhiya.

NPL okwa tegelelwa okukatuka kombanda yomeya opo owala a hupithe nokukaleka oshikwiila shaadhani mbaka 450 mbala, oyendji yomwaambaka aagundjuka yoshilongo shika.

Poshigongi shiikundaneki moshilandopangelo oshiwike shika MTC ngoka oye awike omukwashilipaleki guudhano mbuka okwa tseyitha kutya ye ita ka lelepeka ekwashilipaleko ndika lyuule womimvo ndatu ngele NPL ina gwanithapo iipumbiwa yimwe mbyoka inaayi pumbwa okukundathanwa. Mbika oya kwatelamo okukonga ekwashilipaleko lya gwedhwapo lyoliha, omanga omasiku omilongo 30 ga Juli 2016 inaaga thika na NPLI okuna okugandja uumbangi woshili ku MTC kutya ekwashilipaleko ndyoka olya monika noku kolekwa dhoshili.

Konima sho ekwashilipaleko lya MTC lya hulilepo mu Mai nuumvo, NPL okwa yile ku MTC nethaneko epe lyekwashilipaleko ndyoka tali lalakanene okuhumitha komeho omuthika guudhano woliha pombanda. Ndika wo otali lalakanene oku humitha komeho uuwanawa waadhani muudhano mbuka.

NPL okwa tulile poshitaafula komeho gaMTC omutengenekothaneko goomiliona 23 kehe uule womimvo ndatu. Omathaneko ga NPL oga kwatelamo mbika tayi landula.

  • Egwedhelo miimaliwa yokomwedhi mbyoka hayi pewa oospana okuza poodola omayovi 45 000 okuya poodola 63 000 omwedhi kehe.Kumwe ayihe mbika otayi kala oodola oomiliona 10,1 komumvo.
  • Iimaliwa yoondjambi yi ndjekwe po okuza poomilliona mbali okuya poomiliona ndatu. •

NPL okwa hala okukuta miilonga Omunambelewa pitithi osho wo omunambelewa ha longo naahiki hiya. • Ku kale ashike haku dhanwa omaudhano oolimwe kospana kehe mehulilo shiwike  okuyeleka nomaudhano gaali. • Ehalo lya NPL okushonopeka oospana moliha okuza pomulongo nahamano okuya pomulongo 12. • Omutengenekothaneko gwomapapa gwa londo okuza poodola omayovi 250 000 okuya poodola omayovi 500 000. •Omutengenekothaneko gwoliha yopevi gu kale oomiliona ndatu.

Pakutula kumwe NPL okwa gandja ontengenekothaneko ompe ku MTC yoodola oomiliona omilongo 23,736,00 tashi ti omwaalu gwa ya pombanda noodola oomiliona N$9,172,766 okuza koodola N$14,563,234,oomiliona ndhoka ya pelwe ku MTC omuvogu, tashi ti eyo pombanda noopelesenda omilongo 62% okuyeleka nontengenekothaneko yomvogu.

MTC okwa kwashilipaleke NPL kutya ota vulu okutsikila ekwashilipaleko lyuule womimvo ndatu ndele ongele ashike shika tashi gwanithwapo.

  • MTC ota gandja oodola N$15-oomilliona kokutya(N$45-million uule womimvo 3 ) ngele NPL okwa mono omukwashilipaleki a gwedhwapo ngoka ta ka gandja oodola N$9,172,766 (konyala dhi vule ooN$27-oomilliona uule womimvo 3). Shika otashi ka kwashilipaleka kutya uudhano itawu tameke noongunga ndhoka tadhi ka londekwa komapepe ga  MTC.

NPL na kale iitulamo okumona omukwashilipaleki  a gwedhwapo omanga Juli inaagu sa. •Ye omukwashilipaleki nguka ina kala eli mongeshefa yimwe na MTC. Lyo ekwashilipaleko lyawo nali kale lyuule womimvo ndatu dhu udha. • NPL ta si oshimpwiyu kutya oshilimbo sha MTC osha ulikwa koombindja dhaadhani ayehe shi iwetikile nawa. NPL na se oshimpwiyu kutya uuthemba waMTC itawu yonwa kwaamboka womukwashilipaleki omutiyali. • Ngele NPL ina mona omukwashipaleki nguka methimbo ndyoka nena, MTC ota ka mweneka ekwashilipaleko lye lyoomiliona ndhoka 15. • MTC ita ka pulakena omathaneko ngaashi ngoka goku tameka uudhano wonuumvo niimaliwa ye omanga NPL ta kongo omwaalu ngoka.Nenge oku lundulula ontengenekothaneko ye yi gwanene miimaliwa mbyoka ngele oonkambadhala adhihe odha ponyo.

Tim Ekandjo gwa MTC okwa dhenge omuthindo kutya  “otwa uva anuwa tamu thaneke oku tameka oliha yo 2016/2017 momilongo 20 Auguste, onkene oshaanawa opo mu iyuthe kiipumbiwa mbika mbala. Otwa inekela kutya ne otamu ka longa neendelelo ngaashi sha pumbiwa oku mona omukwashilipaleki a gwedhwapo, ngaashi ashike tu shishi kutya ngele ngoka ina monika nena  shika otashi kala noshilanduli kaashi shi oshiwanawa kuudhano wetanga lyokoompadhi.’

Okwa ti omalutu ngaka gaali otaga ka tsakanena ishewe momasiku ga 8 Auguste 2016 oku gandja uuyelele kwaashoka sha monikapo. Poshigongi mpoka otapa ka popiwa ashike iinima iyali. Ngele  NPL okwa mono omukwashilipaleki omutiyali nena MTC ota ka lelepeka ekwashilipaleko lye lyoshimaliwa shoodola oomilliona 15 uule womimvo ndatu. Ngele inaya mona omukwashilipaleki omutiyali nena MTC ita ka lelepeka euvathano ndyoka.

Kombinga ye Doeseb okwa uvaneke ta ka longa ngaashi ta vulu oku mona kutya  omukwashilipaleki omutiyali okwa monika noshikwawo iipumbiwa ya MTC ayihe oya gwanithwa po.

 

LEAVE A REPLY

Please enter your comment!
Please enter your name here