Uuwike wa fala omukulupe meso

0
369

 

UUKETE – Omukulupe gwoomvula omilongo hetatu naheyali (87), gomomukunda Uukete moshikandjohogololo Onayena okwa mana okwa si eso ewinayi shi a kala omasiku a patekena mondhalate.

Otaku hohololwa omukulupe Martha Fillipus ali i itsuwa a patakena nokuninga ethimbo ele mondhalate, moka a adhika eli monkalo ombinayi. Aanamukunda oya hokolola kutya omukulupe nguka okwali aka shinga kuundunda wopOmbili mbono wuli momukunda gwawo, nokwa li i ihulu oku monika momasiku 16 gomwedhi gwa yi. Omwanagona Aini Nkandi oye a koleke uuyelele mbuka.

“Otwa li owala twe mwi ihulu Esiku ndyoka, notwa kala nee tatu mwi ipula Etitano sho ineeya kuundunda oshoka konyala iha pitithapo esiku inee endapo puundunda mpoka, molwaashoka okwa kala megumbo oye awike ka pwali naana gumwe ta vulu etu lombwele kutya okuli peni,” Nkandi ta ti ngaaka.

Yamwe yomomukunda manga ya adhika taya ende Olyomakaya oyali yemwi itsu  a lala mondhalate ye a mangwa noku negwa mokugulu, “Onda adhika tandi ende ndu uka kuundunda nondali nda mono omuntu a lala onda ningi onkambadhala opo ndi ka tale kutya omolwashike omuntu ngoka alala mondhalate mpoka, sho nda hedha popepi onda mono kutya nani okuku gwaFillipus, ye mwene sho nde ya po onda adha ngaa ti inyennge, onde mu pula kutya ota ningi shike nonando ali ta yamukula ndje, omuntu oto mono kutya kena oonkondo ye okwe ehama kokugulu unene, nokwa patekenamo okugulu,” Gumwe ta gwedhapo ngaaka.

Molwaashoka anuwa esiku ndyoka i itsuwa olyali Olyomakaya ko kombinga hoka oolefa ohadhi monika nuudhigu , sho aanamukunda ya gongala oya kala ando ya tegelela kuze olefa yo taya ningi omapupa ya pulakene mpoka tapu uma ohauto ihe oya hulile owala muunyengwi anuwa.

“Otwali twa ningi onkambadhala opo tumu tumbepo oshoka kali ta vulu okweenda nolutu lwe ka lwali luna oonkondo, shoka oshali shetu ulukile kutya ngiika esiku ndyoka twe mwi ihula puundunda mondjila ye yokuya kegumbo okwa patekene owala mondhalate no ina vula we okuza mo, po inapu enda omuntu emu kwathele oshoka mpo eli ka pushi pomaendelo gaantu,” Nkandi ta ti.

Oyali anuwa yemu fala megumbo manga taya ka konga ngele taya mono oolefa pomikunda dhopuushiinda, ye manga ali ta thetwa noku zalekwa ku gumwe, manga ya tega olefa anuwa okwa li owala a mana oondjenda dhe konima yokathimbo sho a kuthwa mondhalate noku thikithwa megumbo lye moka.

Taya hokolola kutya okwali a dhengwa unene komutenya nuutalala, sho osho shemu etele a kale keena oonkondo , nomolwa ihe okunegwa oshoka otashi ulike anuwa kutya okwa ningamo esiku, otaya hokolola woo kutya omukulupe oha kala megumbo oye awike omanga omutekulu ha kala kOngwediva kiilonga.

Okwali a fumvikwa Olyomakaya ga piti ku ziilila megumbo lye moka mUukete.

 

 

LEAVE A REPLY

Please enter your comment!
Please enter your name here