Dundee a pa ovaTsintsabis oimaliwa

0
186

ONGWEDIVA – Ehangano loDundee Precious Metals lomoTsumeb, omafiku adja ko ola tondoka onghuo eshi la yandja oshimaliwa shifike poN$10 000 tashi ka yambidida motonament yomaudano yotetetete moTsintsabis.

Oudano ou wotetetete uli po ndodo ili nawa moTsintsabis, ita u ka hafifa ashike nokunyakula ovakulunhu nounona ashike ota u ka kwafa yoo ovakwashiwana molukanda omo opo navo ve li longele ko kounyakwa wovadani. Mongaha ovanyasha ovo vali ihava kufa ombinga momaudano navo otava ka kala vena ehalo va tameke yoo oku kufa ombinga momaudano.

Omupopiliko wehangano loDundee Precious Metals Tsumeb, Michael Heita pefimbo ta yandje oshimaliwa koshiwana okwa pandula neenghono ovakwashiwana vomoTsintsabis eshi va tota po okanguduwiliki  komaudano oko keuya po nokuli nefiku kutya otonamente ta i ka kala ko naini.

“Omaudano ohaa yandje omhito opo ounona novakulunhu va hafele pamwe vo ounona va dule oku li longela ko sha shina oshilonga kovakulunhu. Kapena elimbililo kutya omaudano okuli oshitukulwa shinene moku kwafa opo ounona novanyasha  va kufe ombinga moinima oyo ta i xumifa oshiwana komesho, notai tungu,” Heita ta ti.

Omunashipundi wospana yomaudano yoYoung Lions Happening Football club, Paul Gioub kali ta dulu nande nande molwa ehafo.

“Kapena nande omunhu umwe ile ehangano limwe la kwafela oshiwana shaTsintsabis ngaashi Dundee. Onghee otwa pandula neenghono,” Gioub ta ti.

Omaano oN$10 000 oo Dundee a yandja koshiwana shaTsintsabis okwe a yandja konima yomafiku a vali eshi ehangano eli la li vali la yandja oshimaliwa shifike poN$100 000 opo shi kwafele metungululo lomatala a Tulipamwe oo a pilepo omafiku enya. Omanga oN$10 000 oyo ya pewa ovaTsintsabis ota i ka kwafela mokulanda eemedala, omakopi noshoyo oilongifo ya pumbiwa momaudano.

 

 

 

 

LEAVE A REPLY

Please enter your comment!
Please enter your name here