Fluffy ota yambula po iitalenti shaakiintu

0
250

 

Windhoek-Okakadhona hoka ka yambukile monooli noka tekulwa moSwakopmund, Petrina Nghipondoka, a tseyika nawa nedhina Fluffy, oka ti okena elalakano oku yambulapo iitalenti yaakiintu ooyakwao ngele tashiya moongalo dhomoshilongo.

Fluffy ngoka ena oomvula 23, oha sikola pombanda, poshiputudhilo shelongo lyopombanda shaNamibia (Unam).

Ohokwe ye moongalo, Fluffy okwati nkene aza okwa kala ehole oongalo, nonando ina za ha ningi oongalo dhe ye mwene manga ali omushona, ye okwa kala noku pewa oonkondo kaa yambidhidhi ye.

Okwa kumikwa wo kaa ilongi ooyakwawo mboka ya kala no ku mu lombwela kutya okuna ewi ha li towaleke ongalo, unene tali yelekwa ngaashi lyomuhikingalo ngoka omu America Brandy.

“Manga ndali omushona, ondali handi kutha ombinga momathigathano gayoolokathana, unene tuu ngoka goku imba, nondali nda sindana po limwe manga ndali  mondondo ontine,” Fluffy ta ti.

Omvula yapiti, Fluffy okwa li a tula okaimbilo ko You Tube, kedhina Diamond ka imbwa ku Rihanna, hoka ali eka imbilula mongowela yimwe.

Okwa li a mono ompito ombwaanawa okuza komuhikingalo gwongundu yoHouse Guru Gang Cahelman, ngoka ali emu hiya opo ya imbe okangalo pamwe naye kedhina Onkalamwenyo, moka ali ta imbi oka chorus.

Nuumvo Fluffy okwali a imbi okangalo ke kotango kedhina Ituuye, ko House, nota ka popi kombinga yohole.

Ongalo ndjika otayi popi kombinga yo ka kadhona hoka kali kagwile mohole nomumati.

“Okangalo okawanawa noku daanisa unene tuu kaagundjuka mooclub. Onda hala oku ninga oongalo odhingji manga omvula ndjika inaayi pwako,” Fluffy ta ti.

 

LEAVE A REPLY

Please enter your comment!
Please enter your name here