Hotto-Kavendjii a koleke euvathano noCeltic

0
293
Tayi komahala ……….Omudhani gomooha mospana yoBrave Warriors naandjoka yoGolden Arrows, Deon Hotto-Kavendjii okwa joina ospana yomoPSL yo Bloemfontein Celtic.

 

Windhoek – Osha kolekwa pambelewa kutya Deon Hotto Kavendjii okwa joina ospana yo Bloemfontein Celtic yomo Free State.

Onkundana ndjika ya holokele moshifo shoNew Era shehuliloshiwike, paku walyaeka oya kolekwa oshiwike shika kutya omvalele ya Shiwakopo, ndjika ngashingeyi otayi kala noku dhanena ospana ya Celtics, moBloemfontein.

Hotto-Kavendjii nooyakwawo yahamano oya tseyithilwe noku ulukilwa aayambidhidhi yospana ndjoka poshigongi shawo sha kwaalukehe pehala lyomaudhano lya Dr Molomemla Indoor Hall moshilandopangelo sha Free State, Bloemfontein, oshiwike shika. Poshigongi mpoka ospana ndjika oya tseyitha wo nkene tayi ka dhana omumvo guudhano 2016/2017.

Celtic oya etapo omalunduluko ogendji mokati kaadhani konima sho ya li inaa yi dhana naanaa nawa omumvo guudhano gwapiti.Opo yi dhane nuumvo pomuthika guli nawa ospana ndjika oya etamo aadhani mbaka; Ketokwakhe Masuku, Cheslyn Jampies, Mpho Maruping, Sibusiso Mxonyana, Ausaye Nyondo na Tlou Molekwane.

Omudhani gwopashigwana gwa Namibia nguka okwa joinine ospana yomo Lamontville Golden Arrows moliha ya South African Professional Soccer League (PSL) omimvo dhuudhano ndatu dha pitipo, okwa li uulike kutya  ye omudhani gongushu gospana ndjoka.

Okwa joinine ospana ndjoka yomo Durban opamwe nomudhani omukwawo  mospana yo African Stars, Chris Katjiukua ihe aadhani mbaka nospana yawo ndjika oya ka mona iihuna  molwashoka ospana yawo oya ka gwamo moliha yopombanda.

Konima yoku dhana nawa pethimbo lyethigathano lyo 2015 COSAFA Cup, omudhani nguka okwa li a halika kospana yimwe onene moPSL , Oralndo Pirates  ndele komipopyo ndhoka ina ku za sha.

Hotto-Kavendjii okwa simana noku tseyika ongo omudhani gwetanga lyokoompadhi pethimbo a ningi omudhani gwospana yomoKatutura yo African Stars momumvo guudhano go 2012/2013 okuza kospana yokShiwakopo yoBlue Boys FC.

Okwa dhanene lwotango ospana yopashigwana yo Brave Warriors momumvo guudhano ogo tuu ngoka sho a li a thangele mo etanga mokoola yospana yaNigeria yopashigwana, muudhano woFifa sho oospana ndhika dha li dha tsakanene pokapale ka Sam Nujoma.

 

 

LEAVE A REPLY

Please enter your comment!
Please enter your name here